صوبائی وزیر صحت ڈاکٹریاسمین راشد نے کہا کہ انسٹی ٹیوٹ آف مینٹل ہیلتھ کو اپ گریڈ کیاجارہاہے۔

تفصیلات کے مطابق صوبائی وزیر صحت ڈاکٹریاسمین راشدکی زیرصدارت محکمہ سپیشلائزڈ ہیلتھ کئیراینڈ میڈیکل ایجوکیشن میں اہم اجلاس ہوا جس میں انہوں نے انسٹی ٹیوٹ آف مینٹل ہیلتھ کی اپ گریڈیشن کیلئے اقدامات کاجائزہ لیا۔

اجلاس میں سیکرٹری صحت محمد عامرجان،ایڈیشنل سیکرٹری ڈویلپمنٹ ڈاکٹر آصف طفیل،ایڈیشنل سیکرٹری ٹیکنیکل ڈاکٹرسلمان شاہد،چیف پلاننگ آفیسرعبدالحق بھٹی،وائس چانسلرفاطمہ جناح میڈیکل یونیورسٹی پروفیسرڈاکٹرعامرزمان خان،ایگزیکٹو ڈائریکٹرپنجاب انسٹی ٹیوٹ آف مینٹل ہیلتھ ڈاکٹرمحمداشرف،سیکرٹری پنجاب بلڈ ٹرانفیوژن اتھارٹی ڈاکٹرشہنازنسیم،ڈاکٹرشاہد،پروفیسرجاویدچوہدری ودیگرافسران نے شرکت کی۔

صوبائی وزیر صحت ڈاکٹریاسمین راشد نے اجلاس میں اظہارخیال کرتے ہوئے کہا کہ انسٹی ٹیوٹ آف مینٹل ہیلتھ میں مریضوں کے مفت علاج کیلئے بہترین طبی سہولیات کو یقینی بنایاجارہاہے ، انسٹی ٹیوٹ آف مینٹل ہیلتھ میں اس وقت ایک ہزار سے زائد مریضوں کو علاج،ادویات،رہائش اوربہترغذا کی مفت سہولت فراہم کررہے ہیں۔

انہوں نے کہا کہ انسٹی ٹیوٹ آف مینٹل ہیلتھ کو پنجاب انسٹی ٹیوٹ آف کارڈیالوجی کی طرزپرتربیت کاجدید ادارہ بنایاجائے گا ، مینٹل ہیلتھ اتھارٹی کے قیام کیلئے اقدامات اٹھائے جارہے ہیں ، جسمانی صحت کے ساتھ ذہنی صحت بھی اتنی ہی اہم ہوتی ہے ، حکومت ذہنی امراض میں مبتلا مریضوں کیلئے بہترطبی سہولیات کیلئے اقدامات کررہی ہے۔

ڈاکٹر یاسمین راشد نے کہا کہ حکومت نشے کے عادی افراد کی بحالی کیلئے بھی اقدامات کررہی ہے ، انسٹی ٹیوٹ آف مینٹل ہیلتھ کوسہولیات دے کرمزیدمستحکم کیاجارہاہے۔

سیکرٹری محکمہ سپیشلائزڈ ہیلتھ کئیراینڈ میڈیکل ایجوکیشن محمد عامرجان نے اظہارخیال کرتے ہوئے کہا کہ انسٹی ٹیوٹ آف مینٹل ہیلتھ کی اپنی پہچان ہوگی ، انسٹی ٹیوٹ آف میڈیکل ہیلتھ میں مسائل ترجیحی بنیادوں پرحل کیے جائینگے ، انسٹی ٹیوٹ آف مینٹل ہیلتھ میں بہتری لانے کیلئے مکمل طورپر انتظامی معاونت فراہم کی جائیگی۔