وزیر اعظم عمران خان نے ملک میں کھیلوں کا سال منانے کا فیصلہ کیا ہے،فہمیدہ مرزا

محمد سلطان

28th Aug, 2021. 10:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم عمران خان نے ملک میں کھیلوں کا سال منانے کا فیصلہ کیا ہے،فہمیدہ مرزا

وفاقی وزیر برائے بین الصوبائی رابطہ فہمیدہ مرزا نے کہا ہے کہ وزیر اعظم عمران خان نے ملک میں کھیلوں کا سال منانے کا فیصلہ کیا ہے، گلگت بلتستان اور کشمیر سمیت تمام صوبوں میں سپورٹس کلچر کا احیا ہوگا۔

تفصیلات کے مطابق وفاقی وزیر برائے بین الصوبائی رابطہ فہمیدہ مرزا نے بتایا کہ وزیر اعظم نے بڑا فیصلہ کرتے ہوئے ملک میں کھیلوں کا سال منانے کا فیصلہ کیا ہے،وزیراعظم کے ویژن کے مطابق ہم اس سال کو کھیلوں کے نام کریں گے۔

ان کا کہنا تھا کہ وزیراعظم کا ویژن ہے کہ سپورٹس کو ضلع اور تحصیل تک لے جائیں۔

انہوں نے کہا کہ گلگت بلتستان اور کشمیر سمیت تمام صوبوں میں سپورٹس کلچر کا احیا ہوگا، تمام صوبوں کے ڈائریکٹرز سے میٹنگ ہوئی ہے، میٹنگ میں بریف کیا گیا کہ ہر صوبہ ماہانہ سپورٹس کی سرگرمی سے آگاہ کرے گا۔

ان کا کہنا تھا کہ وزرا کو تعلیمی اداروں میں کھیل کے میدان آباد کرنے کی ہدایت کی گئی ہے، تعلیمی سطح پر بھی سپورٹس کو نصاب میں شامل کیا جائے گا۔

وفاقی وزیر برائے بین الصوبائی رابطہ فہمیدہ مرزا کا مزید کہنا تھا کہ ہم نے ایک بیج انڈر 16 اور ایک 16 پلس رکھا ہے، انڈر 16 سے ہی نیا ٹیلنٹ سامنے آتا ہے۔