سندھ میں تعلیمی ادارے کب سے کھلیں گے ، اہم فیصلہ سامنے آگیا

انوشہ شیخ

21st Aug, 2021. 12:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ میں تعلیمی ادارے کب سے کھلیں گے ، اہم فیصلہ سامنے آگیا

صوبہ سندھ میں تعلیمی اداروں کو کھولنے سے متعلق اہم فیصلہ سامنے آگیا ہے۔

تفصیلات کے مطابق سندھ بھر کے پرائیویٹ اسکولز 23 اگست بروز پیر سے مکمل ایس او پیز کے ساتھ کھول دیے جائینگے۔

مرکزی صدرکاشف مرزا کا کہنا ہے کہ سندھ میں تعلیمی اداروں کو مزید بند رکھنے کے فیصلے کو مسترد کرتے ہیں ، سندھ کے 1 کروڑ طلباء کا تعلیم آئینی حق ہے۔

ان کا کہنا تھا کہ ملک بھرمیں 15 لاکھ پرائیویٹ اور 10 لاکھ سرکاری‏ اساتذہ کو ویکسی نیٹڈ ترجیح بنیادوں پرکیا جائے گا جبکہ سندھ بھر میں 95 فیصد اساتذہ کی ویکسینیشن کا عمل بھی مکمل ہو چکا ہے۔

کاشف مرزا کا مزید کہنا تھا کہ سیاستدانوں کو اگر بچوں کے مستقبل کا احساس ہے تواپنی سیاسی جلسے جلوس ملتوی کر دیں۔

ان کا کہنا تھا کہ وزیراعظم ، چیف جسٹس ، آرمی چیف اور این سی او سی الیکشن و سیاسی اجتماعات رکوائیں۔
کاشف مرزا نے مزید کہا کہ مسلسل تعلیمی ادارے بند کرکے 5 کروڑ طلباء کا18 ماہ سے تعلیمی نقصان کا ازالہ ناممکن ہے۔

واضح رہے کہ سندھ بھر میں آج تعلیمی ادارے مزید بند رکھنے کے فیصلے کے خلاف احتجاجی مظاہرے بھی ہونگے۔