وزیرِ اعظم عمران خان سے وزیرِ اعظم آزاد جموں و کشمیر سردار عبدالقیوم نیازی کی ملاقات ہوئی جس میں کشمیر پریمیئر لیگ  اور کھیلوں کے فروغ کے حوالے سے لیگ کے مثبت اثرات پر گفتگو کی گئی۔

ملاقات میں آزاد کشمیر میں انتظامی ڈھانچے کے حوالے سے  اصلاحاتی ایجنڈے پر بات چیت کی گئی جبکہ نظام حکومت میں شفافیت اور عوامی خدمت  کو یقینی بنانے کے لئے اقدامات پر بھی تبادلہ خیال کیا گیا۔

ملاقات میں کشمیر پریمیئر لیگ اور کھیلوں کے فروغ کے حوالے سے لیگ کے مثبت اثرات پر گفتگو

آزاد کشمیر میں انتظامی ڈھانچے کے حوالے سے اصلاحاتی ایجنڈے اور نظام حکومت میں شفافیت اور عوامی خدمت کو یقینی بنانے کے لئے اقدامات پر بھی گفتگو.

Advertisement

وزیر اعظم عمران خان نے کہا کہ فرق واضح ہے۔

— Prime Minister’s Office, Pakistan (@PakPMO) August 16, 2021

اس موقع پر وزیرِ اعظم عمران خان نے کہا کہ کھیلوں کے فروغ کیلئے بین الاقوامی سطح کی کرکٹ لیگ منعقد کروائی گئی ہے۔

وزیرِ اعظم عمران خان نے مزید کہا کہ فرق واضح ہے جہاں ایک طرف آزاد جموں و کشمیر میں عوامی فلاح  کے اقدامات اور نوجوانوں کی ذہنی و جسمانی تربیت پر توجہ دی جا رہی ہے جبکہ  دوسری طرف بھارتی تسلط میں مظلوم کشمیریوں کو غیر قانونی بھارتی تسلط اور جبر کا بھی سامنا ہے۔