رہائشی ویزا رکھنے والے دبئی میں داخلے کے اہل ہوں گے، نئی ہدایات جاری

وریشہ مسعود

10th Aug, 2021. 11:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رہائشی ویزا رکھنے والے دبئی میں داخلے کے اہل ہوں گے، نئی ہدایات جاری

متحدہ عرب امارات نے سفری ضوابط پر نظرثانی کرتے ہوئے رہائشی ویزہ رکھنے والے پاکستان سمیت چھ ملکوں کے شہریوں کے لیے کورونا ویکسینیشن سرٹیفیکیٹ کی شرط ختم کر دی ہے۔

تفصیلات کے مطابق متحدہ عرب امارات کی ریاست دبئی نے اپنا رہائشی ویزارکھنے والوں کیلئے سفر کی شرائط میں نرمی کردی ہے، اس حوالے سے دبئی میں داخلے کیلئے نئی ہدایات جاری کی گئی ہیں۔

دبئی ایئرپورٹ حکام کے مطابق جس کے تحت پاکستان، انڈیا، سری لنکا، نیپال، نائجیریا اور یوگنڈا کے شہریوں کو امارات میں داخلے کے لیے کورونا ویکسینیشن سرٹیفیکیٹ کی ضرورت نہیں ہے۔

دبئی ایئرپورٹ حکام کا کہنا تھا کہ یو اے ای کا رہائشی ویزہ رکھنے والے تمام مسافر کچھ شرائط کے ساتھ سفر کر سکتے ہیں، مسافروں کے پاس روانگی سے چار گھنٹے پہلے لیا گیا کووڈ 19 پی سی آر ریپڈ ٹیسٹ ہونا چاہیے۔

دبئی ایئرپورٹ حکام کامزید کہنا تھا کہ اماراتی ویکسینشن کارڈ کی شرط کے تحت پاکستان سے آنے والے صرف ان ہی مسافروں کو امارات سفر کرنے کا اجازت نامہ دیا جائے گا جنہوں نے متحدہ عرب امارات میں کورونا سے بچاؤ کی ویکسین کی دو خوارکیں لی ہوں گی جبکہ دبئی آمد پر مسافروں کو کووڈ 19 پی سی آر ٹیسٹ کروانا ہوگا۔