امریکی صدر نے کورونا ویکسین کی بوسٹر ڈوز لگوالی

اسفا سروت

28th Sep, 2021. 09:41 am

امریکی صدر جو بائیڈن نے کورونا ویکسین کی بوسٹر ڈوز لگوالی ہے۔

امریکی میڈیا کی رپورٹ کے مطابق چند دن قبل امریکا میں کورونا ویکسین کی بوسٹر ڈوز کی اجازت دی گئی تھی۔

امریکی صدر جو بائیڈن نے کہا ہے کہ لوگ زندگی کو محفوظ بنانے کے لیے کورونا کی بوسٹر ڈوز لگوائیں۔

واضح رہے کہ امریکی صدر جو بائیڈن کو پیر کے روز وائٹ ہاؤس میں فائزر اور بائیو این ٹیک ویکسین کی تیسری ڈوز لگی تھی۔ انہوں نے جنوری میں اوول آفس میں حلف اٹھانے سے قبل کوویڈ-19 ویکسین کی پہلی دو خوراکیں لی تھیں۔

اس کے علاوہ پیر کے روز امریکی صدر جو بائیڈن نے اپنے بیان میں کہا تھا کہ مجھے واضح کرنے دیں کہ بوسٹرز اہم ہیں۔ لیکن ہمیں سب سے اہم کام یہ کرنے کی ضرورت ہے کہ زیادہ سے زیادہ لوگوں کو کورونا ویکسین لگائی جائے۔

Adsence 300X250