لاہور پولیس کی جانب سے پتنگ فروشی کے خلاف بڑی کارروائی کی گئی ہے۔
تفصیلات کے مطابق کارروائی کے نتیجے میں خونی کھیل کے کاروبار میں ملوث ملزم یسین کو گرفتارکرلیا گیا ہے۔
سی سی پی او لاہور غلام محمود ڈوگر کا کہنا ہے کہ ملزم پشاور سے مال لیکر آتا اور لاہور سمیت دیگر اضلاع میں فروخت کرتا تھا۔
انہوں نے بتایا کہ ملزم یسین عرصہ دراز سے یہ خونی کھیل کا کاروبار کر رہا تھا، ملزم کے ساتھی عمران کی گرفتاری کے لیے ریڈ کیے جا رہے ہیں۔
سی سی پی او لاہور کا کہنا تھا کہ ملزم کو خفیہ اطلاع پر کارروائی کرتے گرفتار کیا گیا جبکہ ملزم کے قبضہ سے 50 ہزار سے زائد پتنگیں، 1000 چرخیاں،2230 پنے ڈور اور 4000 کچھی ڈور برآمد کرلی گئی ہے۔
انہوں نےبتایا کہ پتنگ فروشی کے کاروبار میں ملوث ملزمان قانون کی گرفت سے ہرگز نہیں بچ سکیں گے، عوام الناس اس خونی کھیل کے خاتمہ کے لیے لاہور پولیس کے ساتھ تعاون کریں۔
سی سی پی او لاہور غلام محمود ڈوگر نے کہا کہ پتنگ بازی، پتنگ فروشی اور پتنگ سازی کرنے والوں کو آڑے ہاتھوں لیا جارہا ہے، پتنگ بازی کی روک تھام کیلئے ڈرون کیمروں کی مدد بھی جارہی ہے۔
غلام محمود ڈوگر کا کہنا تھا کہ پتنگ بازی کی روک تھام کیلئے سخت قانون سازی کی ضرورت ہے، آپ کی کٹی پتنگ کی ڈور، کسی کی زندگی کی ڈور کا خاتمہ کرسکتی ہے۔
ان کا مزید کہنا تھا کہ شہری خونی کھیل کے خاتمے کیلئے لاہور پولیس کا ساتھ دیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News