برطانوی شہزادوں ہیری اور ولیم کی والدہ لیڈی ڈیانا کو یوں تو دنیا سے رخصت ہوئے بھی 24 سال گزر چکے ہیں، تاہم اب بھی وہ دنیا بھر کے لوگوں کے دلوں میں زندہ ہیں۔
لیڈی ڈیانا کی تصاویر، ویڈیوز اور کہانیاں آج بھی دنیا بھر میں اتنی ہی شہرت رکھتی ہیں، جتنی اُن کی زندگی میں شہرت رکھتی تھیں۔
لیڈی ڈیانا 1997 میں ایک روڈ حادثے میں ہلاک ہوگئی تھیں اور ان کی آخری رسومات کو ٹی وی پر براہ راست ڈھائی ارب سے زائد لوگوں نے دیکھا تھا۔
آج ہم اپنی اس اسٹوری میں آپ کو لیڈی ڈیانا سے منسلک ایک دلچسپ حقیقت سے آگاہ کررہے ہیں۔
شہزادی ڈیانا اپنے ساتھ بڑا بیگ کیوں رکھتی تھیں؟
ڈیانا کا ہینڈ بیگ
شہزادی ڈیانا اپنے ہاتھ اور گاڑی میں ایک لمبا سا ہینڈ بیگ ضرور رکھتی تھیں تاکہ فوٹوگرافی کے دوران کسی بھی قسم کی پریشانی سے بچ سکیں۔
کسی بھی موقع پرلباس میں لگے قیمتی ہیرے موتی نکل جائیں یا دروازے میں پھنس کر کپڑا ادھڑ جائے تو ایک لمبا ہینڈ بیگ ہمیشہ لیڈی ڈیانا کا مددگار ثابت ہوتا تھا۔
کیٹ مڈلٹن کے بندے
کیٹ مڈلٹن جو شاہی خاندان کی بڑی بہو ہیں انہوں نے شادی کے دن وہ بندے پہنے جو ان کے والدین نے انہیں تحفے میں دیئے تھے۔
اس ائیر رنگ کی خاص بات یہ ہے کہ اس میں بلوط کے پتوں کی طرح ہیرے جڑے ہوئے ہیں اور اس میں تین بلوط کے پھل ہیں جو کیٹ مڈلٹن سمیت ان کے دو بہن بھائیوں کی نمائندگی کررے ہیں۔
میگھن مارکل کی شادی کا گلدستہ
کئی لوگوں نے سوال کیا کہ شہزادی میگھن نے شادی کے دن اتنا چھوٹا گلدستہ ہاتھ میں کیوں لیا تھا جس کا جواب یہ ہے کہ وہ گلدستہ دیکھنے میں چھوٹا مگر اپنی اہمیت کے لحاظ سے کافی وزن رکھتا تھا۔
اس گلدستے میں کئی میٹھی خوشبو والے پھول تھے جیسے موتیا، للی وغیرہ جو شہزادے ہیرے نے خود اس گلدستے میں ڈلوائے تھے۔
اس گلدستے کا راز یہ ہے کہ شہزادہ ہیری اور ان کی بیگم شہزادی ڈیانا کو ان کے پسندیدہ پھولوں کے ذریعے خراجِ تحسین پیش کرنا چاہتے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News