وزیر اعظم عمران خان کے معاون خصوصی برائے امور نوجوانان عثمان ڈار نے کہا ہے کہ کہ 10 لاکھ جوانوں کیلئے روزگار پیدا کرنا ہمارا ہدف ہے۔
تفصیلات کے مطابق اسلام آباد میں نیشنل یوتھ کونسل کی ورکشاپ میں وزیر اعظم کے معاون خصوصی برائے امور نوجوانان عثمان ڈار نے خطاب کرتے ہوئے کہا کہ یوتھ کیلئے عمران خان کا کامیاب جوان، نیشنل یوتھ کونسل کی شکل میں وعدہ تھا، عمران خان پاکستان کے نوجوانوں کو بااختیار کرنے کا موقع دے رہے ہیں، نیشنل یوتھ ڈویلپمنٹ فریم ورک بنانے کا عمران خان نے کہا ہے، ہماری کوشش ہے کہ صوبوں کے ساتھ مل کر کام کریں۔
عثمان ڈار نے کہا کہ صوبوں میں نوجوانوں کو مواقع کے حوالے سے تحفظات پائے جاتے ہیں، کامیاب جوان پروگرام میں نوجوانوں نے روزگار کی نشاندہی کی، دنیا میں کسی حکومت کیلئے 20 لاکھ سالانہ سرکاری نوکریاں پیدا کرنا آسان نہیں ہے، ہم پرائیویٹ سیکٹر کو سپورٹ اور کاروبار میں آسانیاں پیدا کر رہے ہیں۔
انہوں نے کہا کہ روزگار کیلئے وزیر اعظم عمران خان نے کامیاب جوان پروگرام میں 100 ارب رکھا، کامیاب جوان کے 20 ارب اب تک تقسیم ہو چکے ہیں، صرف اس ایک کمپوننٹ نے 35 ہزار نوجوانوں کیلئے روزگار پیدا کیا، اسکلز کیلئے نوجوانوں نے اسکالر شپ مانگی، اسکلز کی طرف کوئی توجہ ہی نہیں دیتا، اسکلز ڈویلپمنٹ پروگرام میں 2 لاکھ نوجوان اسکلز کی تربیت لے چکے، 10 لاکھ جوانوں کیلئے روزگار پیدا کرنا ہمارا ہدف ہے۔
عثمان ڈار نے کہا کہ نیشنل یوتھ کونسل کی شکل میں آپ نوجوانوں کی استعداد کار میں اضافہ کیا جا رہا ہے، ہم چاہتے ہیں نوجوانوں کی ترقی میں تمام رکاوٹیں دور کریں، نیشنل یوتھ کونسل کو ای ووٹنگ کے ذریعے اب تشکیل دیا جائے گا، کامیاب جوان کے اسپورٹس کے کمپوننٹ کو جلد لانچ کریں گے، نوجوانوں کی ذہنی و جسمانی فٹنس ضروری ہے، کامیاب جوان مرکز یونیورسٹیوں میں بنایا جائے گا جہاں کیریئر کونسلنگ کی جائے گی۔
وزیر اعظم عمران خان کے معاون خصوصی برائے امور نوجوانان عثمان ڈار کا کہنا تھا کہ کامیاب جوان یوتھ اولمپک، کامیاب جوان ٹیلنٹ شروع کرنے جا رہے ہیں، کامیاب جوان کے پلیٹ فارم سے ہم ہیروز پیدا کریں گے، آئی ٹی سیکٹر میں کامیاب جوان انوویشن کا آغاز بھی کریں گے، گرین یوتھ موومنٹ کا آغاز پورے پاکستان میں کریں گے، ہم یوتھ کو بھی بلین ٹری سونامی میں شامل کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News