مسلم لیگ ن کے ڈپٹی سیکرٹری جنرل عطا تارڑ کا کہنا ہے کہ شہزاد اکبر مکمل طور پر جھوٹ سے کام لے رہے ہیں۔

تفصیلات کے مطابق مسلم لیگ ن کے ڈپٹی سیکرٹری جنرل عطااللہ تارڑ نے شہزاد اکبر کے ٹوئٹ کے جواب میں مشیر احتساب کے دفتر سے این سی اے کو لکھا گیا خط جاری کردیا ہے۔

عطاللہ تارڈ نے کہا ہے کہ شہزاد اکبر مکمل طور پر جھوٹ سے کام لے رہے ہیں اور آپ خفت مٹانے کی کوشش کر رہے ہیں۔

انہوں نے کہا کہ تین سالوں سے جھوٹے، بے بنیاد اور من گھڑت الزامات لگائے، یہ ہے وہ اے آر یو کا خط جو آپ ہی کے دفتر سے 11 دسمبر 2019 کو جاری ہوا تھا۔

عطااللہ تارڑ نے کہا ہے کہ منی لانڈرنگ، کرپشن اور اختیارات کے ناجائز استعمال کے تمام الزامات کو برطانیہ کی نیشنل کرائم ایجنسی اور برطانیہ کی عدالت نے رد کردیا، 20 ماہ پر محیط تحقیقات بند کردی گئی ہیں۔

مسلم لیگ ن کے ڈپٹی سیکرٹری جنرل عطااللہ تارڑ نے مزید کہا ہے کہ برطانوی ایجنسی نے شہباز شریف اور سلیمان کو الزامات سے بری کردیا، آپ اب بھی جھوٹ سے باز نہیں آئے، شرم تم کو مگر نہیں آتی۔

واضح رہے کہ وزیراعظم کے مشیر برائے داخلہ واحتساب شہزاد اکبر نے گزشتہ روز اپنے ٹوئٹ میں کہا تھا کہ شہباز شریف اور ان کے خاندان کی منی لانڈرنگ کیس میں بریت نہیں ہوئی، کیوں کہ کوئی ٹرائل تھا ہی نہیں جو بریت ہوتی۔

 ان کا کہنا تھا کہ نیشنل کرائم ایجنسی کی جانب سے سلیمان شہباز اور ان کے خاندان کے کچھ افراد کے خلاف تحقیقات ایسیٹ ریکوری یونٹ یا نیب کی درخواست پر شروع نہیں کی گئی تھیں۔

 شہزاد اکبر نے کہا تھا کہ برطانوی حکام نے 2019 کے کچھ فنڈز کو مشکوک قرار دے کر تحقیقات کا آغاز کیا تھا اور ان مشکوک فنڈز پر برطانوی حکام نے کورٹ سے فریزنگ آرڈر حاصل کر رکھا تھا۔

however recently NCA decided to stop investigating these funds and therefore agreed for release of these funds through court.
It is clarified that such a release order is not an acknowledgement that funds are from a legitimate source.3/4

Advertisement

— Mirza Shahzad Akbar (@ShazadAkbar) September 27, 2021

ان کا کہنا تھا کہ نیشنل کرائم ایجنسی نے خود تحقیقات روک کر فنڈز ریلیز کرنے کا فیصلہ کیا لیکن ریلیز آرڈر کا مطلب یہ نہیں کہ فنڈز جائز ذرائع سے وصول ہوئے تھے۔ انہوں نے مزید لکھا تھا کہ سلمان شہباز منی لانڈرنگ کیس میں لاہور کی عدالت سے مفرور ہیں۔

It is clarified that there is no acquittal of any sort as reported as there was no trial! funds were frozen by NCA and NCA has decided to not investigate these funds anymore.
Suleiman Shabaz remains a fugitive in a money laundering case against him and his father before AC LHR

— Mirza Shahzad Akbar (@ShazadAkbar) September 27, 2021