وزیراعلیٰ سندھ سید مراد علی شاہ نے کہا ہے کہ کراچی نیوی کا شہر ہے۔

تفصیلات کے مطابق وزیراعلیٰ سندھ سید مراد علی شاہ سے جرمن نیوی کے جہاز فریگیٹ بیئرن کے وفد کی ملاقات کی جس میں دو طرفہ تعلقات ، کورونا کی صورتحال، تجارت و ثقافت کے امور پر تبادلہ خیال کیا۔

ملاقات میں وزیراعلیٰ سندھ نے سندھ کے روایتی تحائف جس میں اجرک ، ٹوپی ، کھیس وغیرہ مہمانوں کو پیش کئے۔

ذرائع کے مطابق جرمن پاکستان کے 70 سالہ دو طرفہ تعلقات کی جشن کے سلسلے میں جہاز کراچی پورٹ پر آیا ہے، وزیراعلیٰ سندھ نے وفد کو سندھ میں خوش آمدید کہا۔

 جہاز کے وفد کی سربراہی جرمنی کے پاکستان میں سفیر برنہارڈ شلاگیک کر رہے ہیں جبکہ وفد میں جرمن قونصل جنرل ہولگر زیگلر، ملٹری اتاشی کرنل مائیکل نوتھ، کمانڈر افسر بیئرین شپ ٹیلو کالسکی اور دیگر نیوی افسران شامل ہیں۔

واضح رہے اس سے قبل وزیراعلیٰ سندھ سید مراد علی شاہ کی زیر صدارت وزیراعلیٰ ہاؤس میں کابینہ کا اجلاس ہوا جس میں تمام صوبائی وزراء، مشیر، اسپیشل اسسٹنٹ، چیف سیکرٹری اور متعلقہ افسران نے کابینہ کو مختلف محکموں کے ترقیاتی منصوبوں سے متعلق بریفنگ دی ۔

اجلاس میں وزیر صحت ڈاکٹر عذرا پیچوہو نے کہا کہ محکمہ صحت کے کل 171 منصوبے ہیں جن کیلئے 18500 ملین روپے مختص کیے ہیں، 18500 ملین روپے میں سے 1666.053 ملین روپے جاری ہوچکے ہیں جس میں 289.71 ملین روپے خرچ ہوچکے ہیں۔