حکومت کی جانب سے چینی کی سرکاری ریٹیل اور ایکس ملز قیمت میں اضافہ کردیا گیاہے۔
تفصیلات کے مطابق وزارت نیشنل فوڈ سیکیورٹی کی جانب سے چینی کی نئی سرکاری قیمتوں کا نوٹیفیکیشن جاری کر دیا گیا ہے۔
جاری کردہ اعلامیے میں بتایا گیا ہے کہ چینی کی ریٹیل اور ایکس ملز قیمت 25 پیسے فی کلو بڑھادی گئی ہے، چینی کی ریٹیل قیمت 89.50 سے بڑھا کر 89.75 روپے فی کلو کردی گئی ہے۔
اعلامیے کے مطابق سیلز ٹیکس سمیت چینی کا نیا ایکس ملز ریٹ 84.75 روپے فی کلو مقرر کیا گیا ہے جبکہ چینی کی زیادہ سے زیادہ ریٹیل قیمت 89 روپے 75 پیسے فی کلو مقرر کی گئی ہے ، نوٹیفیکیشن عمل درآمد کیلئے تمام صوبائی چیف سیکریٹریز کو بھجوایا دیا گیا ہے۔
نوٹیفیکیشن میں مزید بتایا گیا ہےکہ چینی کی نئی سرکاری قیمتوں کا اطلاق فوری طور پر ہوگا ، چینی کی نئی قیمتیں 15 نومبر 2021 تک نافذ العمل رہیں گی۔
خیال رہے کہ زائد قیمت پر چینی بیچنے والوں کے خلاف کارروائی کی جائیگی، عمل درآمد نہ کرنے پر شوگر ملز، ڈیلرز، ڈسٹریبیوٹرز اور ریٹیلرز کے خلاف بھی کارروائی ہوگی۔
واضح رہے کہ اس سے قبل حکومت نے 30 جولائی کو چینی کی ریٹیل اور ایکس ملز قیمت مقرر کی تھی ، سیلز ٹیکس سمیت چینی کا ایکس ملز ریٹ 84.50 روپے فی کلو مقرر کیا گیا تھا جبکہ چینی کی سرکاری ریٹیل قیمت 89.50 روپے فی کلو مقرر کی گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News