کراچی میں تیز بارشوں کا سلسلہ کب تک جاری رہےگا؟ محکمہ مو سمیات نے بتا دیا

کراچی میں تیز بارشوں کا سلسلہ کب تک جاری رہےگا؟محکمہ مو سمیات نے بتا دیا

شبین رضا

09th Sep, 2021. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں تیز بارشوں کا سلسلہ کب تک جاری رہےگا؟محکمہ مو سمیات نے بتا دیا

کراچی میں تیز بارشوں کا سلسلہ کب تک جاری رہےگا؟ محکمہ مو سمیات نے اس حوالے سے تفصیلات جا ری کردی ہیں۔

محکمہ موسمیات کا کہنا ہے خلیج بنگال سے ہوا کا کم دباؤ سندھ میں داخل ہو گیا ہے، جس کے باعث اندرون سندھ سمیت کراچی میں بھی بارشوں کا آغا زہو گیا ہے۔

چیف میٹرولوجسٹ سردارسرفراز کا اس حوالے سے کہنا ہے کہ آج بھی شہرِ قائد میں بارش کا امکان ہے، دوپہر سے شہر میں بارش کا سلسلہ شروع ہوگا جبکہ اس دوران گرج چمک اور آندھی چلنے کا بھی امکان ہے۔۔

چیف میٹرولوجسٹ سردارسرفراز کے مطابق بارش کا سلسلہ 11 ستمبر تک جاری رہے گا، شہر میں موسلادھار بارش کا امکان ہے۔

گزشتہ روز کراچی میں تیز بارش

شہر قائد میں رات بھر تیز ہواؤں کے ساتھ موسلادھار بارش ہوئی ، جس کے بعد یونیورسٹی روڈ، نیپاچورنگی، سفاری پارک، شاہراہ فیصل اور گورا قبرستان کے قریب پانی کھڑا ہوگیاہے۔

ذرائع کے مطابق سرجانی ٹاؤن، جوہر چورنگی، لیاقت آباد، نیوٹاؤن میں بھی یہی صورتحال ہے۔

محکمہ موسمیات نے بارش کا سلسلہ آج دن بھر اور کل بھی جاری رہنے کی پیش گوئی کر دی ہے۔

بیشتر علاقوں میں بجلی بند

گزشتہ رات شہر کراچی میں ہو نے والی بارش کے باعث بیشتر علاقوں میں بجلی کی آنکھ مچولی جاری ہے، جس کے باعث شہریوں کو شدید مشکلات کا سامنا کر نا پڑ رہا ہے۔

دوسری جانب ترجمان کے الیکٹرک کا کہنا ہے کہ کراچی کے مختلف علاقوں میں احتیاطی طور پر بجلی بند کی گئی ہے، بارش کی صورت میں شہری برقی آلات کے استعمال میں احتیاط کریں۔

ملک کے مختلف شہروں میں موسلادھار بارش

ملک کے مختلف شہروں میں بھی موسلادھار بارش کا سلسلہ جاری ہے۔

محکمہ موسمیات کے مطابق پنڈی، اسلام آباد، پشاور اور حیدرآباد سمیت ملک کے کئی شہروں میں موسلادھار بارش ہوئی جس سے گرمی کا زور ٹوٹ گیا۔

اس کے علاوہ مری، سرگودھا، منڈی بہاء الدین، شکرگڑھ، سوات، لوئر دیر اور مہمند میں بارش سے نشیبی علاقوں میں پانی جمع ہوگیا ہے۔

واضح رہےکہ حیدرآباد میں تیز ہواؤں کے ساتھ موسلادھار بارش ہوئی جس سے نشیبی علاقوں میں پانی جمع ہوگیا ہے۔