ایپل کی جدید اسمارٹ واچ نئے فیچرز کیساتھ متعارف

شبین رضا

07th Sep, 2021. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایپل کی جدید اسمارٹ واچ نئے فیچرز کیساتھ متعارف

امریکی ٹیکنالوجی کمپنی ایپل نے جدید اسمارٹ واچ آئی سیون نئے فیچرز کیساتھ متعارف کروا دی ہے۔

بین الاقوامی ذرائع ابلاغ کے مطابق ایپل نے اپنی نئی اسمارٹ واچ میں صحت اور تندرستی کے حوالے سے حیرت انگیز فیچرز شامل کردئیے ہیں، جن کی مدد سے گھڑی بلڈ پریشر کے ساتھ ساتھ صارف کے جسم کا درجہ حرارت بھی بتائے گی۔

اس نئی اسمارٹ واچ آئی سیون میں ایسا منفرد فیچر شامل کیا گیا ہے جو صارف کی فزیکل فٹنس کا بھی خیال رکھتا ہے۔

کمپنی کی جانب سے نئی اسمارٹ واچ میں ایسے سینسرز شامل کیے گئے ہیں جو صارف کا بلڈ پریشر جانچنے کی صلاحیت رکھتا ہے اور جسم کا درجہ حرارت بھی نوٹ کرے گا۔

ایپل کی یہ نئی اسمارٹ واچ دل کی دھڑکن میں بے قاعدگی کی صورت میں الارم بجائے گی اور صارف کے ڈاکٹر کو ای میل پیغام کے ذریعے آگاہ کرے گی۔

صرف یہی نہیں بلکہ آئی واچ سیون نیند کا دورانیہ بھی جانچ کر آپ کو بستر پرجانے کا وقت بتائے گی۔

نئی اسمارٹ واچ میں خون میں آکسیجن سطح اور شوگر کی مقدار ناپنے کی صلاحیت بھی ہوگی جو کمی کی صورت میں صارف کو آگاہ کرے گی۔

ماہرین کا کہنا ہے کہ آئی واچ سیون دنیا کے 436 ملین شوگر کے مریضوں کےلیے اُمید کی نئی کرن ثابت ہوسکتی ہے۔