شہر میں ہوا کی سمت تبدیل ہونے کے باعث فضائی آلودگی میں اضافہ ہوگیا ہے۔
تفصیلات کے مطابق کراچی اور لاہور کی فضا مضرصحت برقرار ہے، ماہرین صحت نے حساس شہریوں کو خصوصی احتیاط کی ہدایت دی ہے۔
ذرائع کے مطابق دنیا کے آلودہ ترین شہروں میں لاہور پہلے، دہلی دوسرے اور کراچی تیسرے نمبر پر آگیا ہے، لاہور میں آلودہ ذرات کی مقدار 234 اور کراچی میں 176 پر ٹیکیولیٹ میٹرز ریکارڈ کی گئی ہے۔
درجہ بندی کے مطابق 151 سے 200 درجے تک آلودگی مضر صحت ہے، 201 سے 300 درجے تک آلودگی انتہائی مضر صحت ہے۔
خیال رہے کہ 301 سے زائد درجہ خطرناک آلودگی کو ظاہر کرتا ہے۔
فضائی آلودگی:
فضائی آلودگی ہوا میں موجود وہ مادے یا ذرات ہوتے ہیں جو کہ انسانی سرگرمیوں کی بدولت فضا کا حصہ بنتے ہیں۔
فضائی آلودگی گیسوں کی زیادتی، زہریلی گیسوں، تابکاری شعاعوں، کیمیائی مادوں، ٹھوس ذرات، مائع قطرات، گرد و غبار اور دھویں وغیرہ کی وجہ سے پیدا ہوتی ہے اور یہ انسانی صحت اور ماحول دونوں کو نقصان پہنچانے کا باعث بنتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News