چیئرمین پیپلز پارٹی بلاول بھٹو زرداری اور پارٹی کے شعبہ خواتین کی مرکزی صدر فریال تالپور کی سعید غنی سے بلاول ہاؤس میں ملاقات ہوئی ہے۔

ملاقات میں چیئرمین بلاول بھٹو زرداری نے پی پی پی سندھ کی تنظیم کو 17 اکتوبر کے جلسے کی مبارک باد دی۔

اس موقع پر بلاول بھٹو زرداری نے کہا کہ کراچی کا جلسہ تاریخی تھا، شہر شہر سے عوام کی شرکت جمہوریت کا نیا سورج طلوع ہونے کی ایک امید ہے۔

چیئرمین پیپلز پارٹی بلاول بھٹو زرداری نے مزید کہا کہ جلسے کے کامیاب انعقاد کو ممکن بنانے کی جدوجہد کرنے والے تمام جیالے شاباش کے مستحق ہیں، سانحہ کارساز پر شہدا کو خراج عقیدت پیش کرنا دراصل اس عزم کا بھی اظہار ہے کہ ہمارا سفر نہیں رکے گا۔

دوسری جانب چیئرمین پیپلز پارٹی بلاول بھٹوزرداری نے سماجی رابطے کی ویب سائٹ ٹویٹر پر اپنے ایک پیغام میں پیپلزپارٹی سندھ کو 17 اکتوبر کے جلسے کی مبارک باد دی ہے۔

Thank you for turning out in such huge numbers. to pay tribute to the martyrs of #karsaz while rejecting selected and the economic catastrophe he caused. #SalamShuhadaeKarsaz #GoSelectedGo https://t.co/vjc56ReWd6

— BilawalBhuttoZardari (@BBhuttoZardari) October 18, 2021

چیئرمین پیپلز پارٹی بلاول بھٹوزرداری نے اپنے پیغام میں کہا کہ شہر شہر سے عوام کی شرکت جمہوریت کا نیا سورج طلوع ہونے کی امید ہے۔

چیئرمین پیپلز پارٹی بلاول بھٹوزرداری نے مزید کہا کہ جلسے کو کامیاب بنانے کی جدوجہد کرنے والے تمام جیالے شاباش کے مستحق ہیں ، شہداء کو خراج عقیدت پیش کرنا اس عزم کا بھی اظہار ہے کہ ہمارا سفر نہیں رکے گا۔