وزیراعلیٰ پنجاب سردارعثمان بزدار کی جانب سے ایک اور بڑا اقدام کیا گیا ہے۔
تفصیلات کے مطابق عثمان بزدار نے بھکاری مافیا کی سرکوبی کیلئے خصوصی اسکواڈ تشکیل دینے کا حکم دے دیا ہے ،خصوصی اسکواڈ مرحلہ وار مختلف زونز میں بھکاری مافیا کے خلاف کارروائی کرے گا۔
عثمان بزدار کا کہنا ہے کہ اولڈ ایج ہومز میں مقیم بزرگو ں کے علاج معالجے کیلئے ڈاکٹرز باقاعدہ وزٹ کریں گے، اولڈ ایج ہومز میں بزرگوں کا باقاعدگی چیک اپ کیا جائے گا۔
عثمان بزدار نے کہا کہ ملتان کے بعد لاہور میں بھی خواجہ سراؤں کیلئے کمیونٹی ویلفیئر سینٹر بنایا جائے گا ، خواجہ سراؤں کو معاشرے کا مفید شہری بنائیں گے۔
ان کا کہنا تھا کہ رواں برس گوجرانوالہ، ملتان، پاکپتن اور جھنگ میں بھی پناہ گاہیں فنکشنل ہو جائیں گی، اٹک اور ٹوبہ ٹیک سنگھ میں بھی دو نئے چلڈرن ہوم بنائے جائیں گے۔
عثمان بزدار نے کہا کہ منشیات کے عادی افراد کے علاج معالجے اور بحالی کیلئے نیا اسٹیٹ آف دی آرٹ سینٹر بنائیں گے جبکہ بحالی کے بعد منشیات کے عادی افراد کو ٹیکنیکل اور ووکیشنل تربیت دے کر اپنے پاؤں پر کھڑا کیا جائے گا۔
عثمان بزدار کا کہنا تھا کہ سماجی بہبود سے متعلق خدمات فراہم کرنے والے ادارو ں کے بارے میں عوام میں آگاہی پیدا کرنے کیلئے مہم چلائی جائے۔
واضح رہے کہ اجلاس میں محکمہ سماجی بہبود کی کارکردگی اور معاشرے کے کمزور طبقوں کی فلاح وبہبود کیلئے اقدامات کا جائزہ لیا گیا جبکہ سیکرٹری سماجی بہبود نے محکمے کی کارکردگی اور مختلف پروگرامز کے بارے میں بریفنگ بھی دی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News