گورنر پنجاب چوہدری محمد سرور کا کہنا ہے کہ عوام کو مہنگائی سمیت دیگر مسائل سے نجات دلانا حکومت کی اولین ترجیح ہے۔
تفصیلات کے مطابق گورنر پنجاب چوہدری محمد سرور کی بزنس کیمونٹی سے جلال الدین رومی اور سید عظمت شاہ اور دیگر سے ملاقات ہوئی ہے۔
چوہدری محمد سرور نے ملاقات میں گفتگو کرتے ہوئے کہا ہے کہ انشا اللہ وزیراعظم عمران خان کا ریاست مدنیہ کا مشن ضرور کامیاب ہوگا، سیاسی مخالفین ہر اچھے کام میں رکاوٹیں ڈالنے کی پالیسی پر گامزن ہیں۔
گورنر پنجاب کا کہنا ہے کہ کر پشن ظلم اور ناانصافی کے خاتمے کیلئے حکومت عملی اقدامات کررہی ہے، عوام کو مہنگائی سمیت دیگر مسائل سے نجات دلانا حکومت کی اولین ترجیح ہے۔
چوہدری محمد سرور نے کہا ہے کہ ملک کو معاشی طور پر دیوالیہ ہونے سے بچانے کا کریڈٹ بھی وزیراعظم کو جاتا ہے، پاکستان کی معاشی میدان میں کامیابیوں کو آج تمام عالمی ادارے تسلیم کررہے ہیں، موجودہ حکومت چھوٹے کاروباری طبقے کیلئے آسانیاں پیدا کررہی ہے۔
گورنر پنجاب چوہدری محمد سرور نے مزید کہا ہے کہ حکومت کے سوشل پروٹیکشن پروگرام کے بھی مثبت اثرات مرتب ہوں گے، ہماری انڈسٹری، زراعت اور خدمات کے شعبے بہتر ہورہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News