اپوزیشن لیڈر سندھ اسمبلی حلیم عادل شیخ نے کہا کہ شاہراہوں رستوں کو بلاک کرنے احتجاج کرنے کی اجازت نہیں ہوگی۔
تفصیلات کے مطابق اپوزیشن لیڈر سندھ اسمبلی حلیم عادل شیخ نے کراچی میں پیپلزپارٹی کی جانب سے روڈ بلاک کرنے اور احتجاج کرنے پر ردعمل دیتے ہوئے کہا کہ سندھ کی عوام اور وزیراعلیٰ سندھ اور ایپکس کمیٹی کے میمبران کو یاد دہانی کروانا چاہتی ہے۔
حلیم عادل شیخ نے کہا کہ فروری میں وزیراعلیٰ سندھ نے جو ایپکس کمیٹی کے سربراہ ہیں انہوں نے ایک فیصلہ کیا تھا، فیصلہ ہوا تھا کہ شاہراہوں رستوں کو بلاک کرنے اور احتجاج کرنے کی اجازت نہیں ہوگی، اگر کوئی احتجاج، دھرنا یا روڈ بند کرے گا تو اس کے خلاف کیسز بنائے جائیں گے، لگتا ہے یہ قانون صرف میرے لیے ہی بنایا گیا تھا۔
اپوزیشن لیڈر کا کہنا ہے کہ ایک تھانہ جو واقع ہی سپرہائی وے پر ہے وہاں پر ہم نے احتجاج کیا تو مقدمہ درج کردیا گیا، وزیراعلیٰ صاحب آج سے کچھ ہفتے قبل آپ کی حکمران جماعت نے حیدرآباد میں نیشنل ہائی وے کو 5 گھنٹے بلاک رکھا۔
انہوں نے کہا کہ ایپکس کمیٹی کے سربراہ وزیراعلیٰ کی پارٹی نے روڈ بلاک کیا اور کوئی مقدمہ نہیں بنا، آج بھی پیپلزپارٹی نے اعلان کیا ہے کراچی میں مین روڈ راستے شاہراہیں بند کریں گے، اب وزیراعلیٰ صاحب آُپ کا نوٹیفکیشن کہاں گیا آپ کے اندر تھوڑی سی اخلاقیات باقی ہے؟
حلیم عادل شیخ نے کہا کہ ہم انتظار کررہے ہیں ایپکس کمیٹی کے فیصلے کا کہ وہ کب ان پر کیس داخل کررہے ہیں، ایسا نہیں ہوگا کہ پی پی سرکاری جماعت ہو اور اس پر قانون لاگو نہیں ہو۔
اپوزیشن لیڈر سندھ اسمبلی حلیم عادل شیخ نے مزید کہا کہ ہماری آج سیرت النبی صلی اللہ علیہ وآلہ وسلم کانفرنس ہے اس میں بھی رکاوٹ ڈالنے کی کوشش کی گئی ہے، ایپکس کمیٹی کے دیگر میمبران دیکھیں کہ قانون سب کے لیے برابر ہونا چاہیے، سندھ میں ریاست زردار جس طرح دوسروں پر کیسز درج کرتے ہیں ان پر بھی کیسز درج ہونے چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News