وفاقی دارالحکومت اسلام آباد میں شہر کی صورتحال کے پیشِ نظر شہریوں کو ٹریفک سے متعلق اسلام آباد ٹریفک پولیس (آئی ٹی پی) نے ٹریفک الرٹ جاری کر دیا ہے۔

اسلام آباد ٹریفک پولیس کے مطابق ریڈ زون سے ایکسپریس چوک کے داخلی اور خارجی راستے تک ٹریفک کے دونوں اطراف کے لیے ڈایئورشن دی ہے کہ، شہری متبادل کے طور پر مارگلہ روڈ ، ایوب چوک، نادرا چوک اور ڈھوکری چوک روڈ کا استعمال کریں۔

آئی ٹی پی کا کہنا ہے کہ نائینتھ ایونیو سگنل آئی جے پی روڈ پر ٹریفک کے دونوں اطراف بجانب فیض آباد اور اسٹیڈیم روڈ بند ہے ، شہری اسلام آباد میں داخلے کے لیے نائنتھ ایونیو اور راولپنڈی داخلے کے لیے پشاور روڈ کا استعمال کریں۔

ترجمان اسلام آباد پولیس نے بتایا کہ میٹرو بس آئی جے پی روڈ سے پاک سیکریٹریٹ کی طرف چل رہی ہے جبکہ راولپنڈی میں معطل ہے۔

اسلام آباد پولیس کا کہنا تھاکہ مری روڈ ، فیض الاسلام اسٹاپ ، فیض آباد سے آنے اور جانے کے لیے ٹریفک کے دونوں اطراف کے لیے ڈائیورشن یہ ہے کہ، اسلام آباد سے مری روڈ، راولپنڈی جانے والے شہری اسلام آباد ہائی وے کا استعمال کریں۔

جبکہ مری روڈ پر فیض آباد سے پہلے اورراول ڈیم چوک سے فیض آباد تک ٹریفک کے لیے بند کر دی گئی ہے، شہری متبادل کے طور پر پارک روڈ ، ترامڑی چوک اور لہترار روڈ کو اسلام آباد ہائی وے تک پہنچنے کے لیے استعمال کریں۔

اس کے علاوہ راولپنڈی جانے والے شہری سری نگر ہائی وے ، نائنتھ ایونیو اور آئی جے پی روڈ استعمال کر سکتے ہیں۔