وفاقی وزیر برائے منصوبہ بندی اسد عمر نے کہا ہے کہ ملک میں بچوں کی پیدائش اور ان کی نشوونما کے مسائل موجود ہیں۔
تفصیلات کے مطابق وفاقی وزیر برائے منصوبہ بندی اسد عمر نے مقامی حکومت اور سماجی خدمات سے متعلق سیمینار میں ویڈیو پیغام کے ذریعے کہا کہ آبادی کے بارے میں جتنا ڈیٹا ہوگا اتنے ہی عام لوگوں کے مسائل حل ہونگے۔
انہوں نے کہا کہ ملک میں بچوں کی پیدائش اور ان کی نشوونما کے مسائل موجود ہیں ، یونیسف کے تعاون سے وزارت منصوبہ بندی یہ اعدادوشمار اکھٹے کررہی ہے ، وزارت منصوبہ بندی نے ادارہ شماریات کو بھی اعدادوشمار جمع کرنے کی ہدایت کی ہے ، انسانی ترقی کیلئے ایسے پروگرامز شروع کرنا ضروری ہیں۔
اس سے قبل وفاقی وزیر پلاننگ اسد عمر نے رائل گروپ آف چائنا کے سربراہ سے ملاقات کی تھی جس میں پاکستان میں بھینس کے دودھ کے فارمنگ یونٹس کے قیام کے امور پر بات چیت ہوئی تھی۔
چیف ایگزیکٹو رائل گروپ آف چائنا نے کہا تھا کہ رائل گروپ پاکستان میں بھینسوں کی افزائش نسل کے لیے مختلف شہروں میں 6 لیبارٹریز قائم کرے گا۔
چیف ایگزیکٹو کا یہ بھی کہنا تھا کہ ہم پاکستان میں بھینسوں کا وسیع فارم قائم کر کے خشک دودھ اور موزریلا چیز کا یونٹ لگائیں گے۔
ملاقات میں وفاقی وزیر پلاننگ اسد عمرکا کہنا تھا کہ سی پیک اتھارٹی کے تحت سرمایہ کاروں کی سہولت کے لیے مرکز جلد کام شروع کر دے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News