وزیر اعظم عمران خان آج کامیاب پاکستان پروگرام کا افتتاح کریں گے
تفصیلات کے مطابق کامیاب پاکستان پروگرام ملک میں غربت کے خاتمے میں کلیدی کردار ادا کرے گا، پروگرام کے تحت چودہ سو ارب کے قرضے 37 لاکھ گھرانوں کو دئیے جائیں گے۔
وزیر اعظم عمران خان آج کامیاب پاکستان پروگرام کا افتتاح کریں گے۔ pic.twitter.com/nRBEGd8yhu
— Prime Minister’s Office, Pakistan (@PakPMO) October 4, 2021
ذرائع کے مطابق کامیاب پاکستان پروگرام کے پانچ جزو ہیں، کامیاب کسان کے ذریعے کسانوں کو بلا سود قرضے دئیے جائیں گے۔ کامیاب کاروبار پروگرام کے تحت کاروبار کے لئے پانچ لاکھ تک بلا سود قرضے دئیے جائیں گے۔
ذرائع کے مطابق سستا گھر اسکیم کے تحت اپنا گھر بنانے کے لئے آسان اقساط پر فنانسنگ کی سہولت بھی دی جائے گی۔
ذرائع کے مطابق حکومت پاکستان کے کامیابی سےجاری سکلڈ بیسڈ اسکالر شپ اسکیم اور صحت انصاف کارڈ کو کامیاب پاکستان پروگرام کے ساتھ منسلک کیا جائے گا۔
دوسری جانب پنڈورا پیپرز کے معاملے پر وزیراعظم عمران خان کی زیر صدارت آج اہم اجلاس طلب کر لیا گیا ہے۔
ذرائع کے مطابق قانونی ٹیم وزیراعظم عمران خان کواس تحقیقاتی رپورٹ پر بریفنگ دے گی ، اس کے علاوہ پی ٹی آئی ارکان کے ناموں کا بھی جائزہ لیا جائے گا۔
ذرائع کے مطابق اس تحقیقات پر وزیراعظم عمران خان اہم پارٹی بیان دیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News