وزیراعلیٰ پنجاب سردار عثمان بزدار بین الصوبائی ہم آہنگی کے فروغ کے لئے بلوچستان کو رکھنی اسپتال کا تحفہ دیں گے، اسپتال کی تعمیر کیلئے آج مفاہمت کی یادداشت پر دستخط کئے جائیں گے۔
ذرائع کا کہنا ہے کہ اس ضمن میں تقریب وزیراعلیٰ بلوچستان سیکرٹریٹ میں ہوگی جس میں عثمان بزدار مفاہمتی یادداشت پر دستخط کی تقریب میں شرکت کیلئے آج کوئٹہ جائیں گے۔
رکھنی میں اسپتال کے قیام کیلئے سیکرٹری محکمہ پرائمری اینڈ سیکنڈری ہیلتھ کیئر پنجاب سلمان بلوچ اور سیکرٹری محکمہ صحت بلوچستان مفاہمت کی یادداشت پر دستخط کریں گے۔
تفصیلات کے مطابق عثمان بزدار کوئٹہ میں وزیراعلیٰ بلوچستان میر عبدالقدوس بزنجو اور گورنر بلوچستان سید ظہو راحمد آغا سے بھی ملاقات کریں گے ۔
عثمان بزدار کا اس حوالے سے کہنا ہے کہ بلوچستان میں بسنے والے بھائیوں کیلئے محبت اور یکجہتی کا پیغام لے کر جا رہا ہوں، پنجاب حکومت نے پہلے بھی بلوچستان کے بہن بھائیوں کی خدمت کی ہے اور آئندہ بھی کرتی رہے گی۔
انکا کہنا تھا کہ پنجاب حکومت کی جانب سے بلوچستان کے علاقے رکھنی میں ہسپتال کے قیام سے بین الصوبائی ہم آہنگی کے فروغ ملے گا۔ بلوچستان کی ترقی پاکستان کی ترقی ہے۔ ترقی کے سفر میں ہم سب قدم بہ قدم آگے بڑھیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News