کراچی کے علاقے فیڈرل بی ایریا میں واقع لکی ون مال میں ایک شخص نے تیسرے فلور سے چھلانگ لگا کر خودکشی کرلی۔
پولیس ذرائع کے مطابق 29 سالہ زوہیر ولد ہاشم نے بے روزگاری سے تنگ آکر لکی ون مال میں تیسری منزل سے چھلانگ لگا کر خودکشی کی ہے۔
پولیس نے بتایا کہ متوفی زوہیر چار بچوں کا باپ اور انچولی کا رہائشی تھا۔
پولیس کے مطابق متوفی کی والدہ اسکول ٹیچر ہیں، متوفی دو بار پہلے بھی خودکشی کی کوشش کرچکا تھا۔
خیال رہے کہ ملک میں بڑھتی بیروزگاری اور مہنگائی نے عوام کو خودکشیاں کرنے پر مجبور کردیا ہے۔ حالات اس نہج پر پہنچ گئے ہیں ہیں کہ صرف غریب مزدور ہی نہیں بلکہ پڑھا لکھا طبقہ بھی اپنی نوکریاں اور جانیں گنوا رہا ہے۔ جس کی تازہ مثال نجی اخبار سے وابستہ محمد فہیم کی موت ہے۔
چھتیس سالہ محمد فہیم نے 26 نومبر کو بے روزگاری اور مہنگائی سے تنگ آکر خودکشی کرلی تھی۔
پولیس ذرائع کے مطابق متوفی گزشتہ برس ڈاؤن سائزنگ کے باعث مقامی اخبار سے برطرف کردیا گیا تھا۔
فہیم گزشتہ ایک برس سے بچوں کی کفالت کے لیے رکشہ چلا رہا تھا۔
پولیس ذرائع کا کہنا تھا کہ متوفی نے قرض داروں کے تقاضے اور مہنگائی سے شدید تناؤ کا شکار ہوکر جمعرات کی شام گھر میں پنکھے سے لٹک کر جان دی۔
متوفی کے رشتہ داروں نے بتایا کہ فہیم کے چھ بچے، ایک بیٹا اور پانچ بیٹیاں ہیں اور وہ گھر کا واحد کفیل تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News