رات کی رانی ایک چھوٹا سا خوشبو دار پھول ہے جس میں صحت کے مختلف فوائد موجود ہیں۔

ماہرین کے مطابق اس پودے میں اینٹی آکسیڈینٹ، اینٹی سوزش اور اینٹی بیکٹیریل خصوصیات ہیں۔

رات کی رانی کے چند پتّے لیں اور اُنہیں پیس لیں، اب اس کا رس نکال کر شہد کے ساتھ پانی میں ڈال کر پی لیں ایسا کرنے سے خشک کھانسی سے نجات مل جاتی ہے۔

اس کے علاوہ رات کی رانی کے پتّوں اور پھولوں کو پانی میں اُبالیں اور پھر اُس میں تُلسی کے چند پتّے بھی شامل کرلیں، اس کو اتنا پکائیں کہ قہوہ بن جائے پھر اُس قہوے کو پی لیں، موسم سرما میں روزانہ یہ قہوہ پینے سے آپ کو نزلا زکام کی شکایت نہیں ہوگی۔

واضح رہے کہ رات کی رانی کا تیل ڈپریشن، ذہنی تناؤ اور بےچینی کو دور کرنے کے لئے بھی استعمال کیا جاتا ہے۔