لاہور کے حلقہ این اے 133 میں ضمنی الیکشن کے معاملے پر پنجاب حکومت نے انتخابات کے روز رینجرز تعینات کرنے کی باقاعدہ منظوری دے دی ہے۔
محکمہ داخلہ کے ذرائع کا کہنا ہے کہ الیکشن کے دن سیکیورٹی کے لیے رینجرز کو تعینات کیا جائے گا۔
محکمہ داخلہ کے ذرائع نے بتایا ہے کہ کسی بھی ناخوشگوار واقعے سے نپٹنے کے لئے سیکورٹی کے بھر پور اقدامات کیے جائیں گے۔
واضح رہے کہ اس سے قبل لاہور کے این اے 133 میں ضمنی انتخاب کے معاملے پر الیکشن کمیشن نے ضمنی انتخابات کے لیے حتمی پولنگ اسکیم جاری کردی تھی۔
الیکشن کمیشن کے مطابق این اے 133میں 4 لاکھ 40 ہزار چار سو 85 ووٹرز حق رائے دہی استعمال کریں گے۔
الیکشن کمیشن کا کہنا ہے کہ حلقے میں خواتین ووٹرز کی تعداد دو لاکھ 6ہزار927 ہے اور مرد ووٹرز کی تعداد دو لاکھ 33 ہزار 558 ہے۔
ان کا کہنا تھا کہ این اے 133میں ضمنی الیکشن کے لیے کل 254 پولنگ اسٹیشنز قائم کیے جائیں گئے۔
الیکشن کمیشن کا کہنا تھا کہ 199 پولنگ اسٹیشنز کو حساس جبکہ 21 پولنگ اسٹیشن انتہائی حساس قرار دیا گیا ہے اور 34 پولنگ اسٹیشن کو نارمل قرار دیا گیا ہے۔
واضح رہے کہ ضمنی انتخابات میں پولنگ 5 دسمبر کو ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News