پاکستان شوبز انڈسٹری کی معروف اداکارہ صنم سعید نے بھارتی فلم انڈسٹری میں کام کرنے کی خواہش کا اظہار کردیا۔
حالیہ انٹرویو میں اداکارہ صنم سعید نے بھارت میں کام کرنے کے حوالے سے اپنے خیالات کا اظہار کیا ہے۔
اداکارہ نے کہا کہ وہ انڈین ٹیلی ویژن کے لیے کام نہیں کرنا چاہتیں، ٹی وی پر کام کرنے کے لیے وہ پاکستانی ٹیلی ویژن انڈسٹری کو ہی ترجیح دیں گی۔
انہوں نے بتایا کہ وہاں فلموں کی بہت سی اقسام ہیں جن میں وہ کام کرنا چاہتی ہیں، بہت سارے اداکار ہیں جن کے ساتھ وہ کام کرنا چاہیں گی، لیکن بالی ووڈ میں انٹری وہ عامر خان کے ساتھ دیناچاہیں گی۔
اس کے علاوہ ہندوستان کےاو ٹی ٹی پلیٹ فارمز پر پاکستانی مواد کی مقبولیت کے بارے میں بات کرتے ہوئے اداکارہ کا کہنا تھا کہ ہم جانتے ہیں کہ ہندوستان کیسا ہے، ہم نے ان کی فلمیں دیکھی ہیں۔
اداکارہ نے بات کو جاری رکھتے ہوئے مزید کہا کہ وہ نہیں جانتے تھے کہ ہم کیسے نظر آتے ہیں اور ہماری زندگی کیسی ہے۔
انہوں نے مزید کہا کہ یہ جاننا ان کے لیےحیران کن تھا کہ ہم ایک جیسے نظر آتے ہیں، ایک جیسا کھانا کھاتے ہیں، ہم عملی طور پر بھائی بہن ہیں۔
یاد رہے کہ صنم سعید کی نئی ویب سیریز’قاتل حسینوں کے نام‘ بھارتی اسٹریمنگ سروس ذی فائیو پر ریلیز کی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News