کراچی: صحافت کے شعبے سے وابستہ 36 سالہ محمد فہیم نے بے روزگاری اور مہنگائی سے تنگ آکر خود کشی کرلی۔
پولیس ذرائع کے مطابق متوفی گزشتہ برس ڈاؤن سائزنگ کے باعث مقامی اخبار سے برطرف کردیا گیا تھا۔ فہیم گزشتہ ایک برس سے بچوں کی کفالت کے لیے رکشہ چلا رہا تھا۔
پولیس ذرائع کا کہنا ہے کہ فہیم نے قرض داروں کے تقاضے اور مہنگائی سے شدید تناؤ کا شکار ہوکر جمعرات کی شام گھر میں پنکھے سے لٹک کر جان دے دی۔
یوسف پلازہ پولیس نے لاش سردخانے رکھوا کر ضابطے کی کارروائی شروع کردی ہے۔
متوفی کے رشتہ داروں کا کہنا ہے کہ فہیم تین دن پہلے بھی کہہ رہا تھا کہ میں خود کشی کرلوں گا، پہلے بھی تین بار خودکشی کی کوشش کرچکا ہے، فہیم کے چھ بچے ہیں ایک بیٹا اور پانچ بیٹیاں ہیں اور گھر کا واحد کفیل تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News