شادی کی تیاریوں میں مصروفیت کے باعث بھارتی اداکارہ کترینہ کیف نے وقتی طور پر بالی وڈ کو خیرباد کہہ دیا ہے۔
بھارتی میڈیا کے مطابق کترینہ کیف نے فلم انڈسٹری سے کچھ مدت کے لیے رخصت لے لی ہے اور آج کل وہ اپنا زیادہ تر وقت وکی کوشال کے گھر والوں کے ساتھ شادی کی تیاریوں میں گزار رہی ہیں۔
شوبز حلقوں میں زیر گردش خبروں کے مطابق یہ فلمی جوڑا اگلے ماہ راجھستان میں شادی کرے گا اور شادی کے ایک ایک لمحے کو یادگار بنانے کے لیے کترینہ کیف نے اپنی ساری توجہ تیاریوں پر مرکوز کرتے ہوئے کچھ وقت کے لیے فلموں سے بریک لے لیا ہے ، تاہم وہ اس دوران کچھ کمرشلز عکس بند کروائیں گی۔
ٹائمز آف انڈیا کے مطابق کترینہ کیف کو آج کل وکی کوشال کے بھائی اداکار سنی کوشال اور ان کی والدہ کے ساتھ دیکھا جا رہا ہے جبکہ وکی کوشال اپنی فلموں کے شیڈول کی وجہ سے مصروف ہیں اور شادی کے سارے معاملات ان کے اہل خانہ ہی دیکھ رہے ہیں۔
واضح رہے کہ اس فلمی جوڑے کی رائل میرج دسمبر کے پہلے ہفتے میں راجھستان کے علاقے ساوائے مدھو پور کے سکس سینسز فورٹ برواڑا میں ہوگی جبکہ ان کی شادی کا جوڑا مشہور فیشن ڈیزائنر سابیا ساچی تیار کر رہی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News