گوگل کروم استعمال کرنے والے خبردار ، کمپنی نے انتہائی اہم اعلان کردیا

مریم اقبال

11th Nov, 2021. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گوگل کروم استعمال کرنے والے خبردار ، کمپنی نے انتہائی اہم اعلان کردیا

اگر آپ گوگل کروم براﺅزر استعمال کرتے ہیں تو اس کو اپ ڈیٹ کر لیں ورنہ آپ اپنا ڈیٹا کھو دیں گے۔

دی سن کے مطابق گوگل کی طرف سے کسی بھی وقت تمام ایسے صارفین کے لیے کروم سنک سپورٹ ختم کی جا سکتی ہے جو گوگل کروم 48سافٹ ویئر یا اس سے پرانا کوئی کروم ورژن استعمال کر رہے ہیں۔

جو صارفین اپنے ان پرانے ورژنز کو اپ ڈیٹ نہیں کریں گے،سپورٹ ختم ہونے پر ان کا جو بھی ڈیٹا کروم براوزر کے ذریعے سنک کیا گیا ہے وہ ختم ہو جائے گا۔

رپورٹ کے مطابق گوگل کروم میں جو ڈیٹا محفوظ ہوتا ہے اس میں صارف کا پاس ورڈ ، ہسٹری ، بک مارکس اور دیگر چیزیں ہوتی ہیں ، یہ ڈیٹا کمپنی کے سرورز میں محفوظ ہوتا ہے تاکہ وقت ضرورت صارف اس کو استعمال کر سکے اور اس کو تلاش کرنے میں مشکل پیش نہ آئے۔

واضح رہے کہ ایک کروم سپورٹ منیجر کی طرف سے کمپنی کے سپورٹ پیج پر ایک پوسٹ کی گئی ہے جس میں بتایا گیا ہے کہ اگر ایم 96 ورژن کے لانچ ہوتے ہی ایم 48 یا اس سے پرانے ورژنز کو اپ ڈیٹ نہیں کیا تو سنک سپورٹ ختم کر دی جائے گی۔