خیبر پختونخوا میں رواں سال 19 دسمبر کو 17 اضلاع میں بلدیاتی انتخابات منعقد ہوں گے۔
تفصیلات کے مطابق مجموعی طور پر 66 تحصیل کونسلز اور 2382 نیبر ہڈ اور ویلج کونسلز کی نشستوں کے لیے پولنگ ہوگی۔
دستاویز کے مطابق 17 اضلاع میں ایک کروڑ27 لاکھ 25 ہزار 800 ووٹرز حق رائے دیہی استعمال کریں گے۔
دستاویز میں بتایا گیا ہے کہ پشاور میں 19 لاکھ 94 ہزار جسٹرڈ ووٹرز حق رائے دہی استعمال کریں گے، چارسدہ میں 10 لاکھ چھ ہزار، نوشہرہ میں کل ووٹرز8 لاکھ 49 ہزار ہیں۔
اس کے علاوہ ضلع خیبر میں رجسٹرڈ ووٹروں کی تعداد پانچ لاکھ 96 ہزار، مہمند میں 3 لاکھ 28 ہزار ہیں اور مردان میں 14 لاکھ 38 ہزار اور صوابی میں 10 لاکھ 60 ہزار ووٹر الیکشن میں ووٹ کاسٹ کرنے کا حق رکھتے ہیں۔
دستاویز میں بتایا گیا ہے کہ کوہاٹ میں چھ لاکھ 35 ہزار جبکہ ضلع کرک میں ووٹرز کی تعداد چار لاکھ 70 ہزار ہیں، ہنگو تین لاکھ 14 ہزار، بنوں چھ لاکھ 76 ہزار اور لکی مروت میں ووٹرز کی تعداد چار لاکھ 94 ہزار ہیں۔
دستاویز کے مطابق ڈی آئی خان میں رجسٹرڈ ووٹرز کی تعداد 8 لاکھ 39 ہزار ہیں، ٹانک میں دو لاکھ 17 ہزار جبکہ بونیر میں پانچ لاکھ 18 ہزار لوگ حق رائے دیہی استعمال کریں گے۔
واضح رہے کہ ہری پور سات لاکھ 14 ہزار اور باجوڑ میں ووٹرز کی تعداد 6 لاکھ 23 ہزار ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News