دنیا کے مقبول ترین سوشل میڈیا ایپ واٹس ایپ آئے روز اپنے صارفین کی سہولت کے لیے نت نئے فیچرز متعارف کرواتا رہتا ہے اور اپنے صارفین کے لیے آسانی کے لیے اس نئے فیچر کی تشہیر بھی کرتا ہے لیکن بہت سے لوگ اب بھی واٹس ایپ میں موجود متعدد فیچرز سے واقف نہیں ہیں۔

جو صارفین موبائل میسجنگ ایپ واٹس ایپ میں موجود تمام فیچرز سے واقف ہوجائیں تو وہ اس سے بھرپور استفادہ حاصل کرتے ہیں لیکن آپ ان فیچرز سے واقف نہیں ہیں تو پریشانی کی کوئی بات نہیں آج ہم آپ کو ایسے تمام فیچرز کے بارے میں بتائیں گے جو آپ نے بھی شاید ہی کبھی استعمال کیے ہوں۔

ٹیکسٹ بولڈ یا اٹالک کرنا

عام طور پر اگر ہمیں کسی جملے یا لفظ کو نمایاں کرنا ہو تو اس کے لیے ہم اس لفظ کو بولڈ یا اٹالک کردیتے ہیں اور ویسے ہی اگر آپ کسی کو واٹس ایپ پر کوئی پیغام بھیجنا چاہتے ہیں لیکن اس میں آپ کسی ایک لفظ یا جملے پر زور دینا چاہتے ہیں تو اس کو بولڈ یا اٹالک کردیں۔

ایسا کرنے کے لیے آپ کو زیادہ مشقت کرنے کی ضرورت نہیں ہے بلکہ کوئی بھی جملا لکھتے وقت اس کے آگے اور پیچھے اسٹار لگادیں وہ خود ہی بولڈ ہوجائے گا۔ (جیسا کے آپ *اس لفظ* کو بولڈ کرنا چاہتے ہیں)

موبائل ڈیٹا کم خرچ کرنا

اگر آپ چاہتے ہیں کہ آپ کے موبائل فون کا انٹرنیٹ ڈیٹا کم سے کم استعمال ہو تو اس کے لیے آپ کو ’’آٹو ڈاؤن لوڈ‘‘ کا آپشن آف کرنا پڑے گا۔ آپ سیٹنگز کے مینیو میں جاکر ڈیٹا اینڈ اسٹوریج یوسیج میں جاکر وین یوسنگ موبائل ڈیٹا آف کرسکتے ہیں۔

ٹو اسٹیپ ویری فیکشن

ویسے تو ہم جب بھی کسی نئے موبائل میں اپنا واٹس ایپ نمبر ڈال سکتے ہیں اور وہ ہم سے ون ڈائم پاسورڈ مانگنے کے بعد لاگ ان کردیتا ہے لیکن اس میں سیکیورٹی خدشات موجود ہوتے ہیں کہ کوئی بھی آپ کی سم لے کر اپنے موبائل میں آپ کا واٹس ایپ آن کرکے ڈیٹا نکال سکتا ہے، اس کے لیے واٹس ایپ نے ٹو اسٹیپ ویری فیکشن کا آپشن دیا ہے۔

واٹس ایپ کی سیٹنگ میں جاکر اکاؤنٹ کے اندر ٹو اسٹیپ ویری فکیشن کا آپشن ہے جہاں سے آپ یہ آن کرسکتے ہیں اور اپنا ای میل ایڈریس بھی ایڈ کرسکتے ہیں اور پھر آپ جب بھی نئے موبائل میں واٹس ایپ ایڈ کریں گے آپ کو 6 نمبر کے کوڈ کے ساتھ ای میل ایڈریس بھی ڈالنا ہوگا۔

موبائل نمبر تبدیل کرنا

اگر آپ واٹس ایپ پر اپنا نمبر تبدیل کرنا چاہتے ہیں تو اس کے لیے آپ کو سیٹنگز میں جاکر اکاؤنٹ کے آپشن میں جانا ہوگا۔ یہاں پر ’نمبر تبدیل کریں‘ کا آپشن موجود ہوگا جس کے ذریعے آپ اپنا نیا نمبر ایڈ کرکے اپنی اسی آئی ڈی کو اس نمبر پر منتقل کرسکتے ہیں۔

بلو ٹک ختم کرنا

واٹس ایپ کا سب سے مشہور فیچر بلو ٹک کا ہی ہے جس سے یہ پتہ لگایا جاسکتا ہے کہ پیغام پڑھ لیا گیا ہے یا نہیں، اگر آپ یہ ظاہر نہیں کرنا چاہتے تو واٹس ایپ کی سیٹنگز میں جاکر اکاؤنٹ میں جائیں ، پرائیوسی پر کلک کریں اور ’’ریڈ رسپٹ‘‘ کو آف کردیں۔

بلو ٹک آف کرنے سے نہ صرف آپ کے دوست یہ پتہ لگا سکیں کہ ان کا پیغام آپ نے پڑھ لیا ہے یا نہیں بلکہ آپ کو بھی یہ پتہ کرنے میں مشکل پیش آئے گی کہ آپ کی جانب سے بھیجا گیا پیغام پڑھ لیا گیا ہے یا نہیں۔

گروپ مسیج دیکھنا

اگر آپ یہ دیکھنا چاہتے ہیں کہ کسی بھی گروپ میں آپ کی جانب سے بھیجا گیا پیغام کس کس نے پڑھ لیا ہے یا پھر کس تک پہنچ چکا ہے ۔ اس کے لیے آپ کو اپنے کسی بھی پیغام پر تھوڑی دیر کے لیے کلک کرنا ہوگا اور پھر تین نقطوں پر جاکر ’انفو‘ میں آپ تفصیلات دیکھ سکتے ہیں۔

لاسٹ سین بند کرنا

آخری بار کب آن لائن ہوئے، جی ہاں یہ واٹس ایپ کا انتہائی اہم فیچر ہے جس سے یہ پتہ لگایا جاسکتا ہے کہ کون کب آن لائن تھا اس آپشن کو بند کرنے کے لیے سیٹنگز میں جاکر اکاؤنٹ میں لاسٹ سین کو ’نو باڈی‘ کرنا ہوگا، یعنی کوئی بھی نہیں دیکھے۔

نمبر بلاک کرنا

واٹس ایپ پر اگر آپ کو غیر ضروری تنگ کررہا ہے اور آپ اس کو جواب نہیں دینا چاہتے یا پھر اس شخص سے ہمیشہ ہمیشہ کے لیے جان چھڑانا چاہتے ہیں تو آپ اس کے نمبر پر کلک کرکے نیچے اسکرول ڈاؤن کرنے کے بعد بلاک کے آپشن پر کلک کرسکتے ہیں۔

بلاک نمبرز دیکھنا

متعدد لوگوں کو بلاک کرنے کے بعد اگر آُپ وہ فہرست دیکھنا چاہتے ہیں کہ آپ نے کس کس کو بلاک کیا ہے تو اس کے لیے آپ سیٹنگز کے مینیو میں جاکر اکاؤنٹ ، پرائیوسی میں جاکر نیچے اسکرول ڈاؤن کرنا ہوگا۔ یہاں پر آپ کو بلاک نمبرز کی فہرست نظر آجائے گی۔

لائیو لوکیشن دیکھنا

واٹس ایپ میں کسی کو بھی اپنی لوکیشن بھیجنا کوئی مشکل کام نہیں لیکن آپ کسی کے پاس جاتے ہوئے راستہ بھول جائیں اور آپ کا دوست یہ دیکھنا چاہے کہ آپ کس راستے سے گزررہے ہیں تو اس کے لیے لائیو لوکیشن کا آپشن آن کرنا پڑتا ہے۔

اس کے لیے آپ کو واٹس ایپ میں پن پر کلک کرکے لوکیشن میں جاکر شیئر لائیو لوکیشن پر کلک کرنا ہوگا جس سے آپ کا دوست آپ کے ہر قدم کو جان سکے گا کہ آپ اس وقت کہاں پر موجود ہیں۔

معلومات منگوانا

اگر آپ واٹس سے اپنی اکاؤںٹ کی معلومات منگوانا چاہتے ہیں تو اس کے لیے آپ کو فیس بک اور ٹوئٹر کی طرح آپ کو ایک فائل مہیا کی جاتی ہے جس میں آپ کی اکاؤنٹ اور گروپ کی معلومات موجود ہوتی ہیں اور ساتھ آپ کی پروفائل پکچرز بھی ہوتی ہیں تاہم اس میں آپ کے ذاتی پیغامات موجود نہیں ہوتے۔

واٹس ایپ کی سیٹنگز میں جاکر اکاؤنٹ میں ’’ریکوسٹ اکاؤنٹ انفو‘ پر کلک کریں ، آپ کو دو سے تین دن میں پوری رپورٹ فراہم کی جائے گی۔

ڈیلیٹ پیغام پڑھنا

اکثر لوگ جلد بازی میں غلط شخص کو پیغام یا کوئی تصویر بھیج دیتا ہے لیکن جیسے ہی اسے احساس ہوتا ہے کہ میرا پیغام غلط انسان کے پاس چلا گیا ہے تو وہ فوراً ڈیلیٹ کردیتا ہے۔

واٹس ایپ میں ایسا فیچر بھی موجود ہے جس سے کسی کا ڈیلیٹ کیا ہوا پیغام واپس لایا جاسکتا ہے اس کے لیے واٹس ایپ کو موبائل سے ڈیلیٹ کرنے کے بعد پلے اسٹور سے دوبارہ ڈاؤن لوڈ کرکے ری انسٹا کرلیں اور آپ جیسے ہی لاگ ان ہوں گے تو بیک اپ میں موجود چیٹ ری اسٹور ہوجائے گی جس سے آپ وہ ڈیلیٹ کیا ہوا پیغام پڑھ سکتے ہیں۔

کمپیوٹر میں واٹس ایپ چلانا

اگر آپ کمپیوٹر پر واٹس ایپ چلانا چاہتے ہیں تو یہ بہت ہی آسان کام ہے اس کے لیے آپ واٹس ایپ کے مینیو میں کیو آر کوڈ پر جائیں اور اپنے کمپیوٹر میں ویب ڈاٹ واٹس ایپ ڈاٹ کام اوپن کرکے لاگ ان ہوجائیں۔

کمپیوٹر میں فائلز ٹرانفسر کرنا

اگر آپ موبائل میں موجود کوئی فائل کمپیوٹر میں یا پھر کمپیوٹر کی کوئی فائل کسی دوست کو واٹس ایپ پر بھیجنا چاہتے ہیں تو اس کے لیے کیو آر کوڈ کے ذریعے کمپیوٹر میں اپنا واٹس ایپ لاگ ان کریں اور یہ فائلز آسانی سے بھیجیں۔

گروپ کے پیغامات خاموش کرنا

اگر آپ بیک وقت واٹس ایپ کے بہت سے گروپ میں موجود ہیں اور بار بار پیغامات کے نوٹی فکیشن سے پریشان رہتے ہیں تو اس کے لیے آپ کو ان گروپ کے نوٹی فکیشن بند کرنا ہوں گے۔

اس کے لیے آپ کو گروپ کے مینیو میں جاکر اوپر دیے گئے تین نقطوں پر کلک کرنا ہوگا اور وہاں پر میوٹ نوٹی فکیشن کرنا ہوگا جس میں آپ کو 3 آپشن دیے جائیں گے ’’8 گھنٹوں کے لیے ، ایک ہفتے کے لیے یا پھر ہمیشہ کے لیے ‘‘ ان پیغامات کو خاموش کردیں۔