مراد علی شاہ کا کہنا ہے کہ وفاقی حکومت کی اکیڈمی میں نشستیں کم ہونے کی وجہ سے سندھ حکومت نے ٹی ایم آر قائم کی ہے۔
وزیراعلیٰ سندھ سید مراد علی شاہ نے تقریب سے خطاب کرتے ہوئے کہا کہ یہ پہلا ایم سی ایم سی کی صوبائی اکیڈمی (ٹی ایم آر) کی بیچ ہے۔
انہوں نے کہا کہ میں چاہتا ہوں کہ یہ اکیڈمی (ٹی ایم آر) ملک کی بہترین اکیڈمی بنے، ایم سی ایم سی سے جو افسران نے اسکلز سیکھے ہیں ان کو فیلڈ میں لاگو کریں۔
مراد علی شاہ نے کہا کہ سندھ کی ٹی ایم آر سے ایم سی ایم سی کرنے سے افسران پروموٹ ہوجائیں گے، ٹی ایم آر کی ٹریننگ سے سندھ میں افسران کی کمی کسی حد تک پوری ہوجائے گی، پروموشن سے مختلف اسامیاں پُر کرنے میں مدد ملے گی۔
انہوں نے مزید کہا کہ چیف سیکرٹری کو سینئر صوبائی افسران کو اگلے گریڈ میں ترقی دینے کی ہدایت کی ہے، ان کو صوبائی پولیس کیڈر کو بنانے کی ہدایت کی ہے، ہم پولیس کیڈر میں صوبائی افسران کی طرح گریڈ 21 پروموشن بھی دیں گے۔
وزیراعلیٰ سندھ نے تمام ٹی ایم آر کے گریجویٹ افسران میں شیلڈ تقسیم کی ہیں۔
واضح رہے کہ وزیراعلیٰ سندھ سید مراد علی شاہ نے ٹریننگ مینجمنٹ اینڈ ریسرچ (ٹی ایم آر) کے پہلے مڈ کیریئر مینجمنٹ کورس (ایم سی ایم سی) کی گریجوئیشن تقریب میں شرکت کی تھی۔
اس کے علاوہ چیف سیکرٹری ممتاز شاہ، سیکرٹری ٹی ایم آر تمیزالدین کھیڑو، صوبائی سیکرٹریز نے بھی پروگرام میں شرکت کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News