الیکٹرانک ووٹنگ مشین (ای وی ایم) کے ذریعے انتخابات کروانے سے متعلق قانون سپریم کورٹ میں چیلنج کردیا گیا۔
ای وی ایم قانون کو چیلنج کئے جانے کی درخواست آئینی آرٹیکل 184(3) کے تحت ایڈوکیٹ سلیم اللہ خان نے دائر کی، جس میں وفاقی حکومت، الیکشن کمیشن آف پاکستان، سیکریٹری کو فریق بنایا گیا ہے۔
درخواست میں مؤقف پیش کیا گیا ہے کہ 17 نومبر کے اجلاس میں 33 بل منظور کئے گئے، منظور کئے گئے بلوں پر پارلیمان میں کوئی بحث نہیں کی گئی، منظور ہونے والی ترمیم آئین کے بر خلاف اور بدنیتی پر مبنی ہے، جس سے ملک میں دھاندلی کا دروازہ کھلے گا، اور حکمران جماعت کو فائدہ ہو گا۔
سپریم کورٹ میں دائر درخواست کے مطابق ترمیم سے آئین کے بر خلاف الیکشن کمیشن کے اختیارات میں کمی کر دی گئی ہے، اور ووٹ ڈالنے کے اورسیز کے اختیارات کی وضاحت نہیں کی گئی۔
درخواست میں استدعا کی گئی ہے کہ ای وی ایم سے متعلق ہونے والے ترمیم کو کالعدم قرار دیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News