حیدرآباد میں تعلیمی بورڈ نے میٹرک جماعت کے سالانہ امتحان کے نتائج جاری کردیئے۔
تفصیلات کے مطابق ناظم امتحانات مسرور احمد زئی نے اپنے ایک بیان میں کہا کہ سائنس گروپ میں کامیابی کا تناسب 95 فیصد سے زائد رہا جبکہ سائنس گروپ امتحانات میں 57 ہزار 766 طلبا وطالبات نے حصہ لیا۔
ناظم امتحانات کا کہنا ہے کہ سائنس گروپ امتحانات میں 55 ہزار 62 طلبا وطالبات پاس جبکہ 2 ہزار 544 فیل ہوئے۔
واضح رہے اس سے قبل بورڈ آف سیکنڈری ایجوکیشن کراچی نے بھی میٹرک سائنس کے سالانہ نتائج کا اعلان کیا تھا۔
نتائج کے مطابق میٹرک سائنس امتحانات میں ایک لاکھ 48 ہزار 950 طلبہ شریک ہوئے جن میں سے 41476 طلبہ نے اے ون، 24977 طلبہ نے اے گریڈ حاصل کیا۔
23754 طلبہ نے بی گریڈ حاصل کیا جبکہ سی گریڈ حاصل کرنے والے طلبہ کی تعداد 23213 رہی اور 22444 طلبہ نے ڈی اور 10204 نے ای گریڈ حاصل کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News