الیکشن کمیشن نے ڈسکہ میں قومی اسمبلی کے حلقہ این اے 75 میں ضمنی انتخاب کے دوران دھاندلی میں ملوث افسران کے خلاف فوجداری کارروائی کا فیصلہ کیا ہے۔
بول نیوز کے مطابق الیکشن کمیشن نے ڈسکہ میں قومی اسمبلی کے حلقہ این اے 75 کے ضمنی انتخاب میں دھاندلی کی انکوائری رپورٹ کی روشنی میں تحریری فیصلہ جاری کردیا ہے۔
الییشن کمیشن نے الیکشن کمیشن نے متعلقہ شعبہ جات سے فوجداری شکایات کا ڈرافٹ مانگ لیا اس کے علاوہ محکمانہ کارروائی کیلئے انکوائری کمیٹیوں کی تشکیل کے لئے سفارشات بھی طلب کرلی ہیں۔
الیکشن کمیشن نے متعلقہ شعبہ جات کو ایک ہفتے میں سفارشات منظوری کیلئے پیش کرنے کا حکم دیا ہے، اس کے علاوہ متعلقہ اداروں کو ہدایت کی گئی ہے کہ تمام ملوث افراد کے خلاف محکمانہ کارروائی کی جائے گی، اس بات کو یقینی بنایا جائے کہ دھاندلی میں ملوث کوئی افسر آئندہ انتخابی ڈیوٹی پر مامور نہ ہو۔
واضح رہے کہ ڈسکہ میں قومی اسمبلی کی نشست این اے 75 پر ضمنی انتخاب کے دوران دھاندلی کے واضھ ثبوت ملے تھے۔ اس حوالے سے الیکشن کمیشن نے ایک رپورٹ بھی تیار کی تھی جس میں فردوس عاشق اعوان سمیت کئی اہم سیاسی شخصیات اور سرکاری افسران کو مورد الزام ٹھہرایا گیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News