وزیراعظم عمران خان کا کہنا ہے کہ غلط امیدواروں کا انتخاب بلدیاتی انتخابات میں شکست کی اصل وجہ بنی۔
سماجی رابطے کی ویب سائٹ پر ٹوئٹ کرتے ہوئے وزیراعظم عمران خان نے خیبرپختونخوا کے بلدیاتی انتخابات میں اپنی شکست تسلیم کرتے ہوئے کہا کہ تحریک انصاف نے خیبر پختونخوا بلدیاتی انتخابات کے پہلے مرحلے میں غلطیاں کیں اور اس کا خمیازہ پارٹی کو بھگتنا پڑا۔
PTI made mistakes in 1st phase of KP LG elections & paid the price. Wrong candidate selection was a major cause. From now on I will personally be overseeing PTI's LG election strategy in 2nd phase of KP LG elections & LG elections across Pak. InshaAllah PTI will come out stronger
— Imran Khan (@ImranKhanPTI) December 21, 2021
عمران خان نے مزید کہا کہ خیبرپختونخوا کے بلدیاتی انتخابات میں غلط امیدواروں کا انتخاب ہی ہماری شکست کی اصل وجہ تھی اور اب خیبرپختونخوا میں بلدیاتی انتخابات کے دوسرے مرحلے سمیت تمام انتخابات میں پارٹی کی حکمت عملی کی خود نگرانی کروں گا۔ انشاللہ پی ٹی آئی مضبوط طریقے سے واپسی کرے گی۔
دوسری جانب
خیبرپختونخوا بلدیاتی انتخابات میں تحریک انصاف کو شکست کے معاملے پر وزیراعظم عمران خان نے وزیراعلیٰ خیبرپختونخوا محمود خان سے رپورٹ طلب کرلی۔ جس میں انہوں نے کہا کہ بلدیاتی انتخابات میں شکست کی وجوہات سے آگاہ کیا جائے، شکست کی وجہ ٹکٹ کی تقسیم بنی یا پھر پارٹی کے اندر کچھ اختلافات بھی ہیں۔
اس سے قبل وزیراعظم عمران خان نے وزارتِ خارجہ میں خطاب کرتے ہوئے کہا کہ مسلم ممالک کا مؤقف اب دنیا میں پھیل چکا ہے۔ مشکلات کے باوجود دنیا میں پاکستان کا مثبت چہرہ ابھرا۔ دہشت گردی کے خلاف جنگ میں مالی اورجانی قربانیاں دیں۔ انہوں نے کہا کہ ہمیں پاکستان کی تاریخ کا سب سے بڑا خسارہ ملا۔ ہم نے مشکلات کا سامنا کیا ابھی بھی مشکلات میں ہیں۔
عمران خان نے کہا کہ او آئی سی کانفرنس کے بہترین انعقاد پر سب کا شکرگزارہوں۔ وزارتِ خارجہ کی کارکردگی بہترین رہی۔ کانفرنس میں پاکستان کےمؤقف کی تعریف کی گئی۔ پاکستان کا امیج اب بہت اوپر گیا ہے۔ آئندہ او آئی سی میٹنگ اور بھی بہتراندازمیں ہوگی۔
افغانستان کے مسئلے پروزیراعظم نے خطاب میں کہا کہ افغانستان میں بحران پیدا ہورہا ہےجو بڑا ظلم ہے۔ افغانستان کی جلد ازجلد مدد ہونی چاہیے۔ سوسال میں ایک بار کرونا جیسے مسائل دنیا میں آتے ہیں۔ دنیا نے کورونا سے نمٹنے کے لیے پاکستان کی تعریف کی۔
انھوں نےمذید کہا کہ ہم غلط فیصلے کرنے سے نچلی سطح پرآتے ہیں۔ ماضی میں عوامی مفادات کے خلاف خارجہ پالیسیاں بنائی گئیں۔ ماضی کے حکمرانوں کی ترجیح ملک نہیں ڈالرز تھے۔ کسی کو قصوروار ٹھرانے کے بجائے درست فیصلے ہونے چاہییں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News