2021 کے دوران ٹیسٹ فارمیٹ میں شاہین شاہ آفریدی اور حسن علی کی جوڑی نے کامیابی کے جھنڈے گاڑ دیئے ہیں۔

قومی کرکٹ ٹیم کے لیے 2021 کئی حوالوں سے یادگار رہا لیکن اس سال شاہین شاہ آفریدی اور حسن علی کی مخالف ٹیموں پر دھاک بیٹھ گئی۔

ٹیسٹ فارمیٹ میں بولنگ کے اعداد و شمار کے مطابق شاہین شاہ آفریدی اور حسن علی سال کے 5 سب سے کامیاب بولرز میں شامل ہیں۔

متعلقہ خبر؛ نئی گیند سے جلد وکٹیں گرانا میراہدف ہوتا ہے

2021 میں ٹیسٹ فارمیٹ کے کامیاب ترین بولرز کی فہرست دیکھی جائے تو اس میں سب سے اوپر بھارت کے روی چندرن ایشون ہیں، جنہوں نے ایک کیلنڈر ایئر میں 52 وکٹیں حاصل کیں۔ دوسرے اور تیسرے نمبر پر پاکستان کے شاہین شاہ آفریدی اور حسن علی ہیں۔

شاہین شاہ آفریدی نے رواں برس 9 ٹیسٹ میچوں میں 17.06 کی اوسط سے 47 وکٹیں حاصل کیں اور سال میں سب سے زیادہ وکٹیں لینے والے بولرز میں دوسرے نمبر پر ہیں۔

متعلقہ خبر: پہلی اننگز میں 5 وکٹیں حاصل کرنے پر بہت خوشی ہے،حسن علی

ایک سال میں سب سے زیادہ ٹیسٹ وکٹیں لینے والے بولرز میں حسن علی کا تیسرا نمبر ہے، انہوں نے 8 میچوں میں 16.07 کی اوسط سے 41 وکٹیں حاصل کیں۔ حسن نے 2021 میں ایک اننگز میں 5 یا زیادہ وکٹیں لینے کا اعزاز 5 مرتبہ حاصل کیا۔

2021 کے ٹاپ 5 ٹیسٹ بولرز میں بھارت کے اکشر پٹیل 36 وکٹوں کے ساتھ چوتھے اور اور انگلینڈ کے جیمز اینڈرسن 32 وکٹوں کے ساتھ 5ویں نمبر پر ہیں۔