رواں مالی سال کے ابتدائی 5 ماہ کے دوران ملک میں کاروں کی فروخت میں 61 فیصد اضافہ دیکھا گیا ہے۔
ملک میں گاڑیاں بنانے والی کمپنیوں کے نمائندہ تنظیم پاکستان آٹو موبائل مینوفیکچرنگ ایسوسی ایشن (پی اے ایم اے) کے مطابق رواں مالی سال کے ابتدائی 5 ماہ میں میں کاروں کی فروخت میں 61 فیصد اضافہ ہوا ہے۔
رواں مالی سال کے ابتدائی 5 ماہ کے دوران (جولائی تا نومبر) کے دوران ملک بھر میں 90 ہزار 303 نئی موٹر کاریں فروخت ہوئیں، جب کہ گزشتہ سال اسی دورانیے میں 55 ہزار 779 موٹر کاریں فروخت ہوئی تھیں۔ اس طرح کاروں کی فروخت میں اضافے کی شرح 61 فیصد سے زائد رہی ہے۔
یہ بھی پڑھیے: پاکستان سے سبزیوں کی برآمدات میں 31 فیصد سے زائد کا اضافہ
پی اے ایم اے کا کہنا ہے کہ ماہانہ بنیاد پر بھی رواں برس گاڑیوں کی فروخت میں اضافہ دیکھا گیا ہے۔
گزشتہ برس نومبر میں 11 ہزار 914 کاریں فروخت ہوئی تھیں جب کہ رواں برس اسی ماہ میں کاروں کی فروخت 28 فیصد اضافے کے بعد 15 ہزار 351 ہوگئیں۔
اعداد وشمار کے مطابق جولائی تا نومبر 13 ہزار 215 ہونڈا سوک گاڑیاں، 12 ہزار 723 ٹویوٹا کرولا، 11 ہزار 252 ٹویوٹا یاریز، سوزوکی کلٹس کے 13 ہزار 105 یونٹس، سوزوکی ویگن آر کے 8 ہزار 768 اور سوزوکی آلٹو کے 13 ہزار 267 یونٹس فروخت ہوئے۔
یہ بھی پڑھیے: ماہانہ مہنگائی کی شرح 11.5 فیصد تک جا پہنچی
جولائی تا نومبر 2021 میں 495 سوزوکی سوئفٹ فروخت ہوئیں جو کہ گزشتہ سال کے اسی دورانیے کے مقابلے میں 95 فیصد کم ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News