ملک کے بیشتر شہروں میں آج مطلع ابر آلود رہے گا۔

محکمہ موسمیات کے مطابق آج اسلام آباد سمیت پنجاب کے بیشتر اضلاع میں موسم سرد  جبکہ مطلع ابر آلود رہےگا۔

تاہم مری سمیت خطۂ پوٹھوہار، گوجرانوالہ، سرگودھا، میانوالی، بھکر اور لیہ میں بونداباندی اور ہلکی بارش کا بھی امکان ہے۔

 تازہ ترین اپڈیٹ کے مطابق خیبرپختونخواہ کے بیشتر اضلاع میں بھی مطلع ابر آلود رہے گا تاہم چترال، دیر، مانسہرہ، مالاکنڈ،سوات،   کوہستان، ایبٹ آباد، بونیر، باجوڑ،  پشاور،و زیر ستان اورکرم میں چند مقامات پر بارش اور برفباری کا امکان ہے۔

اسکے علاوہ  سندھ کے بیشتر اضلاع  میں موسم خشک اور سرد رہے گا تاہم سکھر، لاڑکانہ، جیکب آباد اور موہنجو داڑومیں دھند کا امکان ہے۔

بلوچستان کی بات کی جائے تو وہاں بھی بیشتر اضلاع میں مطلع ابر آلود رہنے کا امکان ہے البتہ کوئٹہ، زیارت، پشین،لورالائی، چمن، قلعہ عبداللہ، قلعہ سیف اللہ ، ژوب ،بارکھان،کو ہلو، قلات،نوکنڈی، دالبندین اور گوادر میں  بارش اور برفباری کی توقع ہے۔

واضح رہے کہ آج ریکارڈ کیے گئے کم ازکم درجہ حرارت میں لہہ منفی 13 ، بابو سر منفی 10،گوپس منفی 08،  استور منفی 06، بگروٹ، ہنزہ ،اسکردو منفی 05 ریکارڈ کیا گیا ہے۔

اسکے علاوہ پلوامہ،بارہ مولہ ،کالام ،مالم جبہ منفی 04، شوپیاں،زیارت  منفی 03،سری نگر ، اننت ناگ،میر کھانی ،پاراچنار اور دیر  میں منفی 01 ڈگری سینٹی گریڈ ریکارڈ کیا گیا ہے۔