بھارتی ریاست جھارکھنڈ میں ایک 60 سالہ بزرگ خاتون کو جادوگرنی قرار دے کر زندہ جلا دیا۔
جھارکھنڈ کے سمڈیگا ضلع میں مقامی لوگوں نے اس شبہ میں خاتون کو آگ لگا دی کہ وہ جادو کرتی ہے۔
پولیسنے اس سلسلے میں پانچ افراد کو گرفتار کیا گیا ہے، جبکہ شدید جھلسنے والی خاتون صدر اسپتال میں زیرِ علاج ہیں۔
جھاریہ دیوی نامی خاتون ضلع کے تھیتھنگر تھانہ علاقے میں ایک رشتہ دار کے گھر جنازے میں شرکت کے لیے گئی ہوئی تھیں کہ گاؤں کے کچھ لوگوں نے ان پر حملہ کر دیا۔
مقامی لوگوں نے یہ الزام لگاتے ہوئے کہ اِس نے جادو ٹونا کیا ہے، جو ان کی صحت کے لیے نقصان دہ ہو سکتا ہے، ان پر مٹی کا تیل ڈالا اور آگ لگا دی۔
جنازے کے کچھ شرکاء نے پولیس کو اطلاع دی جس کے بعد جھاری دیوی کو بچا کر صدر اسپتال لے جایا گیا۔
اس سے قبل گزشتہ ہفتے کولیبیرا تھانہ علاقے میں بسراجارا بازار کے قریب ایک 32 سالہ شخص کو پتھر مار کر ہلاک کر دیا گیا تھا اور اس کی لاش کو ہجوم نے آگ لگا دی تھی۔
اس کیس کے مرکزی ملزم گاؤں کے سربراہ سبن بڈ کو اتوار کو بڑے پیمانے پر تلاش کے بعد گرفتار کر لیا گیا ہے، جس کے بعد اس کیس میں گرفتاریوں کی کل تعداد آٹھ ہو گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News