ابتدائی طبی امداد کا مطلب یہ ہے کہ کسی بھی طرح کی چوٹ لگنے کی صورت میں سب سے بہترطریقہ کون سا ہے جو تکیلف یا درد کو بڑھنے سے بچائے۔ یہ کام آپ اسی وقت کر سکتے ہیں جب آپ کے پاس فرسٹ ایڈ باکس یعنی ابتدائی طبی امداد دینے کے لیے وہ تمام سامان موجود ہوں جو اس کے لیے ضروری ہے تب ہی آپ کسی کی مدد کر سکتے ہیں۔
دیکھا جائے تو یہ باکس ہر گھر کی ضرورت ہے تاکہ کسی کو بھی کسی طرح کی چوٹ یا زخم لگنے پر بروقت ابتدائی طبی امداد دی جا سکے۔ اس باکس میں کیا کچھ ہونا چاہئے، آئیے جانتے ہیں۔
ٹوئیزر
گھرمیں یا باہر کسی کو بھی کوئی چیز چبھ جائے تو اسے نکالنے کے لیے ٹوئیزر سے بہتر کوئی اور ٹول نہیں ہوسکتا۔ مگر اسے استعمال سے قبل اور بعد میں جراثیم کش محلول سے پاک کرنا بے حد ضروری ہے ورنہ یہ انفیکشن کا سبب بن سکتا ہے۔
نیومائسین یا ہائیڈروکورٹیسن
یہ دونوں کریمیں ہر فرسٹ ایڈ باکس میں شامل ہونی چاہئے۔ مکھی مچھر کے کاٹنے یا ہلکے سے زخم کے لیے ان کا استعمال درد، سوزش اور جلن دور کرنے میں بے پناہ مفید ہے۔
ہینڈ سینیٹائزر اور دستانے
زخم کو صاف کرنے سے قبل ہاتھوں پر ہینڈ سینیٹائزر کا استعمال کریں یا دستانے پہنیں تاکہ آپ کے ہاتھوں پر موجود جراثیم انفیکشن کا سبب نہ بنے اور ساتھ آپ کے ہاتھ بھی زخم سے آلودہ نہ ہو۔
درد کش ادویات
ایسی تمام ادویات جن کے لیے کسی ڈاکٹر سے اجازت کی ضرورت نہ ہو ہمیشہ باکس میں رکھیں جیسے پیناڈول وغیرہ تاکہ درد ہونے پر دی جاسکے۔
وائپس یا زخم کو صاف کرنے والا محلول
کسی بھی زخم پر پٹی باندھنے سے قبل اسے پانی سے یا پانی کی غیر موجودگی میں اینٹی سیپٹک واپس یا ڈیٹول سے صاف کرنا ضروری ہے۔ اسی لیے اسے بھی ساتھ رکھیں۔
قینچی
یہ ہر گھرکی ہی نہیں بلکہ فرسٹ ایڈ باکس کی بھی ضرورت ہے، زخم کے حساب سے پٹی کو کاٹنا ہی نہیں بلکہ کسی بھی چیز کو اس کے کور سے نکالنے کے لیے اسے استعمال کیا جاتا ہے۔
بینڈیج یا ٹیپ
آخر میں اس باکس میں مختلف پٹیاں بھی ہو نی چاہئے جسے زخم پر باندھا جاسکے۔ جیسے سنی پلاسٹ، اور کپڑے کی بینڈیج وغیرہ۔ کوشش کریں کہ یہ ایک سے زیادہ سائز کی ہوں تاکہ زخم کو دیکھ کر اسے کور کیا جاسکے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News