وہ وقت دور نہیں جب کشمیریوں کی جدوجہد رنگ لائے گی، راجہ فاروق حیدر

ویب ڈیسک

26th Jan, 2022. 03:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وہ وقت دور نہیں جب کشمیریوں کی جدوجہد رنگ لائے گی، راجہ فاروق حیدر

راجہ فاروق حیدر نے کہا ہے کہ وہ وقت دور نہیں جب کشمیریوں کی جدوجہد رنگ لائے گی۔

سابق وزیراعظم آزاد کشمیر راجہ محمد فاروق حیدر خان نے کہا ہے کہ ہندوستان کے یوم جمہوریہ کے موقع پر دنیا بھر میں کشمیری عوام یوم سیاہ منا رہے ہیں۔

انہوں نے کہا کہ ہندوستان میں اقلیتوں کے ساتھ ہونیوالے سلوک نے دنیا بھر میں اس کی جمہوریت کا پردہ چاک کرکہ رکھ دیا ہے ، آج ہی کے دن گاوکدل اور ہندواڑہ میں 91کشمیریوں کو ہندوستانی فوج نے قتل کیا تھا۔

راجہ فاروق حیدر نے کہا ہے کہ مودی کے ہندوستانی جمہوریت کے لبادے میں چھپے اصل چہرے کو سامنے لائے ، ہندوستانی فوج کی پریڈ جمہوریت کے لیے نہیں ہمسایہ ممالک پر دباؤ ڈالنے کے لیے ہے۔

سابق وزیراعظم آزاد کشمیر نے کہا ہے کہ جلد ہندوستان کا سیکولر ازم میں چھپا انتہا پسندانہ چہرہ دنیا کے سامنے آنیوالا ہے ، وہ وقت دور نہیں جب کشمیریوں کی جدوجہد رنگ لائے گی اور وہ آزادی کی منزل حاصل کرینگے۔