وزیر مملکت برائے اطلاعات و نشریات فرخ حبیب کا پی ڈی ایم اجلاس پر ردعمل میں کہنا ہے کہ پی ڈی ایم ایک مردہ گھوڑا ہے، جس میں ہر ایک یا دو ماہ بعد جان ڈالنے کی ناکام کوشش کی جاتی ہے۔
فرخ حبیب نے کہا کہ پی ڈی ایم میں شامل جماعتوں کے پاس کرنے کے لیے کوئی کام نہیں ہے اس لیے مہینے بعد بیٹھک لگائی جاتی ہے۔
انہوں نے کہا کہ سیاسی ماڈلنگ شو اور کیٹ واک سے ہمیں کوئی مسئلہ نہیں ہے، پی ڈی ایم جب سے بنی ہے آج تک کسی ایک نکتے پر اتفاق رائے قائم نہیں کرسکی۔
وزیر مملکت کا کہنا تھا کہ بتایا جائے پارلیمنٹ سے استعفے دینے والے فیصلے سے یوٹرن کیوں لیا گیا؟
فرخ حبیب نے طنزیہ کہا کہ پاکستانی سیاست کا 12 واں کھلاڑی اپنے حلوے کی پلیٹ کے لیے پوری دیگ انڈیلنے کی خواہش رکھتا ہے۔
ان کا مزید کہنا تھا کہ 2018 سے ان لوگوں کی خواہشات ہر روز دم توڑتی نظر آتیں ہیں، جمہوری عمل کے خلاف سازشیں کرنے والے کبھی بھی کامیاب نہیں ہوں گے۔
وزیر مملکت نے کہا کہ 23 مارچ کو مسلح افواج کی مشترکہ پریڈ اور دوست ممالک کے وفود کی شرکت دشمن کو کھٹکتی ہے، پوری قوم دیکھ رہی ہے کہ دشمن کے ایجنڈے کو کون کس طرح آگے بڑھا رہا ہے۔
ان کا مزدی کہنا تھا کہ الیکٹرانک ووٹنگ مشین شفاف انتخابات کی ضامن ثابت ہوگی، وزیراعظم عمران خان نے جن کو پیغام دینا تھا وہ دیدیا ہے، سمجھداروں کے لیے اتنا ہی کافی ہے۔
فرخ حبیب نے کہا کہ فاٹا سمیت تمام ضم شدہ اضلاع میں تعمیر و ترقی کے جال بچھائے جارہے ہیں، جے یو آئی کو جو فارن فنڈنگ ملی اس کا جواب بھی فضل الرحمان کو دینا ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News