فیصل آباد میں ڈکیتی کے دوران شوہر کے سامنے خاتون سے زیادتی کے واقعے میں نیا موڑ آگیا، پولیس کے مطابق خاتون نے اپنے ساتھ ہونے والی زیادتی کی تردید کرتے ہوئے کہا ہے کہ خاوند کے ہاتھ باندھے اور ڈاکوؤں نے سر پر کچھ مارا جس کے بعد انہیں کوئی ہوش نہیں تھا۔
فیصل آباد میں خاتون سے زیادتی ہوئی ہی نہیں، پولیس نے دوران ڈکیتی زیادتی کا امکان مستردکردیا۔
سی پی او غلام مبشر نے پریس کانفرنس میں کہا کہ خاتون کو ہراساں ضرور کیا گیا، لیکن خاتون کے ساتھ جنسی زیادتی نہیں ہوئی۔
سی پی او نے مزید بتایا، خواتین اہلکار خاتون سے ملیں، اس دوران خاتون نے زیادتی نہ ہونے کا خود اقرار کیا۔
یاد رہے گزشتہ روز متاثرہ فیملی نے الزام عائد کرتے ہوئے کہا تھا کہ ڈاکوؤں نے خاتون کو اس کے شوہر کے سامنے مبینہ زیادتی کا نشانہ بنایا۔
ذرائع کے مطابق متاثرہ فیملی نے کہا کہ پولیس کو ڈکیتی اور زیادتی سے متعلق بتایا تھا لیکن پولیس نے نا ہی میڈیکل کروایا اور نا ہی زیادتی کی دفعہ لگائی، صرف ڈکیتی کا مقدمہ درج کردیا۔
متاثرہ خاتون کا کہنا ہے کہ 5 ماہ سے دربدر ہیں یہاں وہاں دھکے کھارہے ہیں، ملزمان نے مجھ پر تشدد کیا اور زیادتی کی لیکن پولیس نے زیادتی کی دفعات شامل نہیں کیں، مجھے انصاف دلایا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News