پاکستان میں وائرس نے بڑے شہروں کو اپنی لپیٹ میں لے لیا، این سی او سی نے صوبوں کی مشاورت سے نئی پابندیاں لگا دیں۔

کورونا کی زیادہ شرح والے علاقوں میں تعلیمی ادارے ایک ہفتے کیلئے بند کرنے کا فیصلہ کرلیا ہے، محکمہ تعلیم، صحت کے حکام سے مل کر اسکولوں کی بندش کا تعین کریں گے۔

ڈی ایچ او ڈاکٹر زعیم ضیاء کی جانب سے کورونا مثبت کیسز والے تعلیمی اداروں کو فوری بند کرنے کے لیے انتظامیہ کو مراسلہ بھی جاری کردیا ہے

اسلام آباد کے مزید 12 تعلیمی اداروں میں 50 کیس رپورٹ ہوئے ہیں، ڈسٹرکٹ ہیلتھ آفیسر اسلام آؓاد نے  کورونا کیس رپورٹ ہونے والے تعلیمی اداروں کو فوری بند کرنے کے احکامات دے دیئے ہیں متعلقہ تعلیمی اداروں کو آئندہ احکامات تک بند رکھا جائے گا۔

این سی او سی  نے ہدایت جاری کی ہے کہ بارہ سال سے زائدعمرکے طلبا کو ویکسین لگانے کی مہم چلائی جائے
‏اومیکرون سے متاثرہ شہروں کے تعلیمی اداروں میں 2 ہفتوں کیلئے کورونا ٹیسٹ کیے جائیں۔

این سی او سی مزید پابندیاں بھی لگا دی ہیں، ٹرانسپورٹ ستر فیصد،سینما،پارک اور مزارات پچاس فیصد کے ساتھ کھلے رہیں گے۔

کورونا کی پانچویں لہر نے نیو اسلام آباد انٹرنیشنل ایئرپورٹ کے افسران اور عملے کو بھی متاثر کردیا ہے۔ ذرائع کے مطابق اے ٹی سی کنٹرول ٹاور کے افسران سمیت متعدد ملازمین متاثرہو گئے۔

ذرائع نے بتایا کہ کورونا وائرس سے متاثر ہونیوالوں میں ڈائریکٹر، جوائنٹ ڈائریکٹر اور اسسٹنٹ ڈائریکٹر لیول کے افسران شامل ہیں۔

ذرائع کا کہنا ہے کہ روزانہ کی بنیاد پر بیرون ملک سے آنے والے سینکڑوں مسافروں کےریپڈ ٹیسٹ کیے جاتے ہیں، بعض مسافروں کے مثبت ٹیسٹ کی وجہ سے عملے کے بیشتر ملازمین بھی متاثر ہوئے، متاثرہ افسران اور ملازمین نے خود کو گھروں پر قرنطیںنہ کر لیا۔

ادھر پنجاب میں انڈورتقریبات پر 31 جنوری اور خیبرپختونخوا میں 15 فروری تک پابندی لگادی گئی، بینک، جم خانے، سینما، پارکس اور مزارات پر ویکسنیٹڈ افراد ہی داخل ہوسکتے ہیں، محکمہ داخلہ بلوچستان کا بھی 31 جنوری تک کیلئے نوٹی فکیشن جاری ہوگیا.