شہد ایک مکمل غذا ہے جبکہ لہسن سپر فوڈ میں شامل ایک ایسی سبزی ہے جس میں اینٹی بائیوٹکس کی خصوصیات پائی جاتی ہیں، ان دونوں کو الگ الگ تو غذا میں شامل رکھا جاتا ہے لیکن ان دونوں کو ایک ساتھ ملا کر کھانے سے صحت کے کئی مسائل سے نجات ملتی ہے۔

آج کل گلے کی بیماریاں کافی عام ہیں اور ہر دوسرا شخص گلے کے انفیکشن کی وجہ سے بخار، نزلہ کھانسی کی شکایت کرتا نظر آرہا ہے، اسی لئے آج یہاں پر لہسن کے چند ایسے استعمال بتائے جارہے ہیں جو آپ کو گلے کی ان تمام تکالیف سے نجات دے کر آرام پہنچائیں گے۔

شہد اور لہسن

ایک بوتل شہد میں لہسن کے چند جوے چھیل کرشامل کریں اور بوتل بند کر کے فریج میں چند دنوں کے لئے رکھ دیں، صبح ایک چمچ لہسن ملا شہد کھانے سے نہ صرف نظام انہضام بہتر کام کرے گا بلکہ گلے کے انفیکشن اور سردی کے مسائل کم کرنے میں بھی مدد ملے گی۔

ثابت لہسن کھانا

لہسن ایک بہت ہی صحت بخش سبزی ہے اسے تقریباً تمام ہی پکواںوں میں تو استعمال کیا ہی جاتا ہے لیکن اسے بغیر پکائے کھانا بھی بے حد افادیت رکھتا ہے۔ اس میں اینٹی بیکٹیریل خصوصیات پائی جاتی ہیں جو مختلف جراثیم کے خاتمے میں اہم کردار ادا کرتی ہے۔

لہسن کے ایک جوے کو نیم گرم کریں اور تھوڑا تھوڑا چبائیں، پندرہ منٹ منہ میں رکھنے کے بعد اسے کھالیں۔ یہ گلے کے امراض دور کرنے میں بہت ہی مفید طریقہ ہے۔