پاکستان کے نامور اداکار احمد علی بول انٹرٹینمنٹ پر ریو کے تعاون سے ’’بچہ لوگ گیم شو‘‘ کی میزبانی کے لیے تیار ہیں۔

پاکستان کا نمبر ون چینل ’ بول انٹرٹینمنٹ‘ ہمیشہ صارفین کو نئے انداز میں محظوظ کرتا رہتا ہے اور اس بار چینل انتظامیہ نے پاکستان کی تاریخ میں پہلی بار بچوں کے لیے گیم شو لانے کا اعلان کیا ہے جس کی میزبانی کے لیے ملک کے نامور اداکار احمد علی بٹ تیار ہیں۔

بول نیٹ ورک کی جانب سے بچوں کیلیے پاکستان کے پہلے پروگرام ’’بچہ لوگ گیم شو‘‘ کے کچھ ٹیزر بھی جاری کیے گئے ہیں جس میں میزبان احمد علی بٹ بچوں کے ساتھ شرارتیں کرتے ہوئے دکھائی دے رہے ہیں جس سے اندازہ ہوتا ہے وہ پروگرام میں خوب موج مستی کرنے والے ہیں۔

یہ بھی پڑھیں؛ ’بچہ لوگ گیم شو‘ کیا ہے اور اس میں کس طرح حصہ لیا جاسکتا ہے؟

ملکہ ترنم میڈیم نور جہاں کے نواسے اداکار احمد علی بٹ ریو کے تعاون سے بول انٹرٹینمنٹ پر نشر ہونے والے پروگرام ’بچہ لوگ گیم شو‘ میں بچوں کے ساتھ شرارتیں اور خوب موج مستی کرتے ہوئے دکھائی دیں گے۔

اداکار احمد علی بٹ کسی تعارف کے محتاج نہیں اور ان کا شمار پاکستان کے ان چند فنکاروں میں ہوتا ہے جنہوں نے چھوٹی اور بڑی اسکرین کے علاوہ موسیقی کے میدان میں بھی اپنا لوہا منوایا جب کہ پروگرام کی میزبانی میں بھی ان کا کوئی ثانی نہیں۔

یہ بھی پڑھیں؛ احمد علی بٹ کے ’’بچہ لوگ گیم شو‘‘ میں کیا ہوگا سب سے الگ ؟

 ویسے تو احمد علی بٹ کا شمار ملک کے نامور مزاحیہ اداکاروں کی فہرست میں ہوتا ہے لیکن وہ سنجیدہ کردار بھی بخوبی نبھاتے ہیں جب کہ وہ ’ جوانی پھر نہیں آنی‘ اور ’جوانی پھر نہی آنی ٹو‘ جیسی ہٹ فلموں میں بھی اداکاری کے جوہر دکھاچکے ہیں۔

یہ بھی پڑھیں: احمد علی بٹ بول کے پروگرام ’بچہ لوگ گیم شو‘ میں کیا دھماکہ کرنے والے ہیں ؟

پروگرام میں بچے خوب ہلہ گلہ کرنے والے ہیں اور وہ پروگرام کے مختلف سیگمنٹس میں الگ الگ قسم کے گیم کھیلتے ہوئے دکھائی دیں گے اور ممکنہ طور پر گھر پر موجود بچے بھی اس گیم شو کا حصہ بن سکتے ہیں تاہم ’بچہ لوگ گیم شو‘ کی تفصیلات کے حوالے سے آپ کو بس کچھ دن اور انتظار کرنا پڑے گا۔

واضح رہے اداکار احمد علی بٹ کی میزبانی میں ’’بچہ لوگ گیم شو‘‘ 29 جنوری سے ہر ہفتے شام 5 بجے صرف بول انٹرٹینمنٹ پر نشر ہوگا۔