این سی او سی کے مطابق 12 سال سے کم عمر اسٹوڈنٹس صرف 3 دن اسکول آئینگے۔
نیشنل کمانڈ اینڈ آپریشن سینٹر (این سی او سی) نے کورونا کے کیسز میں اضافے کے پیش نظر تعلیمی اداروں کیلئے پابندیاں برقرار رکھنے کا فیصلہ کرتے ہوئے پابندیوں میں توسیع کی منظوری دے دی۔
این سی او سی کے اجلاس میں نئی پابندیوں کا فیصلہ صوبوں کی مشاورت سے کیا گیا، پابندیوں کا اطلاق 31 جنوری سے فروری کے وسط تک ہوگا۔
10فیصد سے زائد شرح والے شہروں میں طلبا مختلف متبادل دن اسکول آئیں گے اور 12 سال سے کم عمر بچوں کی نصف تعداد اسکول آئے گی۔
این سی او سی کے مطابق 10 فیصد شرح سے زائد شہروں میں 12 سال سے زائد 100 فیصد طلبا آئیں گے۔
تعلیمی اداروں میں کورونا ایس او پیز پر عملدرآمد یقینی بنانا ہوگا۔
نیشنل کمانڈ اینڈ آپریشن سینٹر کے مطابق یکم فروری سے 12 سال سے زائد عمر کے طلبا کی ویکسی نیشن لازم ہو گی۔
ملک بھر کے تعلیمی اداروں میں کورونا ٹیسٹنگ کا عمل جاری رہے گا اور کورونا ٹیسٹنگ کے نتائج کی بنیاد پر تعلیمی اداروں کی بندش کا فیصلہ ہو گا۔
پاکستان میں کورونا وائرس سے مزید 25 افراد جاں بحق
ملک بھر میں عالمی وبا کورونا وائرس سے مزید 25 افراد جاں بحق ہو گئے۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران مثبت کیسز کی شرح گیارہ اعشاریہ نو ایک فیصد ریکارڈ کی گئی۔
این سی او سی کے مطابق کورونا وائرس سے 25 افراد جاں بحق ہوگئے، جس کے بعد اموات کی تعداد 29 ہزار 162 ہوگئی۔
پاکستان میں کورونا کے تصدیق شدہ کیسز کی تعداد 13 لاکھ 93 ہزار 887 ہوگئی۔
AdvertisementStatistics 27 Jan 22:
Total Tests in Last 24 Hours: 63,272
Positive Cases: 7539
Positivity %: 11.91%
Deaths :25
Patients on Critical Care: 1240Advertisement— NCOC (@OfficialNcoc) January 27, 2022
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 7 ہزار 539 نئے کیسز رپورٹ ہوئے۔
پنجاب میں 4 لاکھ 69 ہزار 540، سندھ میں 5 لاکھ 33 ہزار 496، خیبرپختونخوا میں ایک لاکھ 87 ہزار 983، بلوچستان میں 34 ہزار 131، گلگت بلتستان میں 10 ہزار 557، اسلام آباد میں ایک لاکھ 22 ہزار 98 جبکہ آزاد کشمیر میں 36 ہزار 82 کیسز رپورٹ ہوئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News