امریکا میں 2 پولیس اہلکاروں نے آن لائن گیم پوکے مون گو کے لیے ڈکیتی کی کوشش کو نظر انداز کردیا.
امریکی شہر لاس اینجلس میں پولیس اہلکار لوئس لوزانو اور ایرک مچل کو ان کی کئی مجرمانہ بے ضابطگیوں کی وجہ سے برطرف کیا گیا تھا۔
دونوں پولیس اہلکار ایک ہی گشتی گاڑی میں سوار تھے ، انہیں ان کے افسر کی جانب سے لاس اینجلس کے ایک ڈیپارٹمنٹل اسٹور میں ڈکیتی کی کوشش کے بارے میں بتایا۔
اطلاع دینے والا پولیس افسر موقع پر ہی موجود تھا اور اسے ان ڈاکوؤں کو روکنے کے لئے مدد درکار تھی، اسی مقصد کے لیے افسر نے لوزانو اور مچل کو جائے وقوعہ پر پہنچنے کے لیے کہا۔
واضح ہدایات کے باوجود لوزانو اور مچل جائے وقوعہ پر نہیں پہنچے، محکمانہ کارروائی کے دوران انہوں نے موقف اپنایا کہ ریڈیو پر آواز اس قدر غیر واضح تھی کہ انہیں کچھ سمجھ ہی نہیں آیا۔
واقعے کی محکمانہ کارروائی ہوئی تو انہیں معلوم ہوا کہ ان کی گاڑی میں ایک کیمرہ لگا تھا جس میں سارے واقعے کی ریکارڈنگ موجود تھی۔
محکمانہ کارروائی کے دوران یہ بات سامنے آئی کہ انہیں واضح طور پر اطلاع ملی لیکن انہوں نے اس واردات کو روکنے کے لیے کوئی کارروائی نہیں کی کیونکہ وہ اس وقت موبائل پر پوکے مون گو گیم کھیل رہے تھے۔
دونوں پولیس اہلکاروں کو ملازمت سے برطرف کردیا گیا، انہوں نے محکمانہ کارروائی کے خلاف عدالت سے رجوع کیا لیکن سارے ثبوتوں کی روشنی میں ان کی اپیل مسترد کردی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News